عدي كتير عدي كتير خسرنا كتير خسرنا كتير
بنمشي الطريق من القاع منعرفش اخرها فين
احلام وبتتبدل كل واحد بيتمني مش بيعمل
كل مرة موقف مختلف لازم يعلم
بس مبنتعلمش ليه مش بنفهم
ساعات بحس ان الطريق هو الي يخنق
سوق شيطانك الكل هيخاف منك
كون ملاكك الكل مش هيعرف اسمك
-عيش حياتك الناس مش هتسيبك تعيشها
اشنق حالك فالاخر هيضايقوا منك
ده بيخاف مالليل وده بيسوقه لحد ما يوصل
ده خد العين وقام كمل بدل ما يرجع
ده باع روحه للناس وسط اضواء ما بتتلاشاش
ودي من جوا الماس واحنا تراب محسناش
وده حجر مع كل خبطة بيتكسر جواه ازاز
وده اخر كلام اتقال اتشرب بيه اخر كاس
لو الفضا كاس جميل والنجوم عيونِك
لو الليل فضل اكيد مكنش زمانه بيخونِك
لو القمر واحد سارح مش هيكون بجمالِك
لو سبتينا نداوي الباقي.. من جروحك
كلام كلام اسباب ملهاش مكان
الاطار جري ورايا اكنه طار ملوش امان
اختيار تام ديما بقول بس الاكتئاب
اكنه وحش جوايا رابطني بلجام
سيبته يتحكم فمفيش سابني احلم كتير
لما اتقبلته وصلت لشخصي الاخير
بقينا واحد بس لسانا مش واحد
جوانا اضطراب بس برضه مش ساكت
لا احنا اتنين واحد ساكت والتاني محتاجه
مكانوش فضهر بعض ابدا ظنك مش فمكانه
مين فينا بيوصل مرة واحدة وبيفضل ثابت
مين فينا كان حواليه ناس وفالزنقة فيه واحد
بهدوء من برا كل حاجة جواك بتخرب
بتهرب ميت مرة مبتمشيش مش هتقدر
بتضحك، الناس دي كلها مستنياك تخسر
زي شوكة فالحلق موجودة وكل يوم بتكبر
الكمان بيعزف علي ايه ماحنا غراب
يا درويش قولي بس هو ايه الي صار؟
بنضيع فبعض لكنه فالحقيقة اختيار
ولسه فاكرين فيه بديل بدل ما ننهار
التعليقات