مساحة إعلانية
إزيك وإزي أخبارك دي الوقتِ
أنا عارف إنك مش حاباني وكارهة تيجي سيرتي
أنا بس قولت أطمن عاملة إيه من بعدي
مين اللي بياخذ باله منك فاهمينك وزيّ
آه صحيح إزاي فلان مش فاكر إسمه
مبسوطة معاه وحالكم تمام وعادي وبتبتسموا
بيخاف عليكي زيّ هزتك كلمة بحبك
ياخذك في حضنه في عز خوفك ويقول لك أنا جنبك
طب إنت بتبقي طايرة بيشوف اللمعة في عينيكي
جنبك لما بتتكسري ظهر وحنين عليكي
لا مستحيل عمرك ما تلاقي حد زيّ
طب إسأليه قولي له ممكن لو بعيد تروح لي
تسافر بالساعات عشان تطمن بس وتمشي
بتسهروا بالليل وبتحبيه تناديه حبيبي
وأنا أسهر ليلي مش بنام أكتب وأغني يمكن تيجي
إزاي حبي الحرام وحبه هو مش حرام
إنت اللي بعدتي عني لما زهقتي طب تمام
أنـا أصلا فرحان ببعدك أنا مش عايزك جنبي
كسرت ناس كثير حبوني وكان لازم تسيبني
ربك بيخلص حق ناس في ناس وبيداوي في قلبهم
أنا بس متوقعتش يوم ما أتباع أكون زيهم
وزي أي لعبة عشقتيها ومليتي منها
أنا كنت لعبة أيوة لعبة واتكسرت سابتها
وأرجع أبص في الصور واتملا في التفاصيل
إنت اللي بعدتي عني لما شوفتي لك بديل
سيبتيني؟ معقولة يعني نسيتي عوني
نسيتي إنك قلتي لي أموت ولا عمرك يوم تسيبني
وأديني سيبتك عملتي إيه؟
معقولة يعني نسيتي أصلا إحنا بعدنا ليه
نسيتي؟ وأنا مستني ترجعي لي
عمار إضحك عليّ وقول لي لا دي لسه راجعة
طب حعمل إيه بعدك ده غصب عني بتوحشيني
بعدتي عني فجأة حتى أنا على نفسي بضحك
مش عارف ألقى مرسى تايه في الموج غريب
مش عارف حتى أرسى ونفسي أتوه وأسيب
بقيت بغيب ولا حد بيسأل عني بعدك
كرهت قلبي لأنه اتغابى في مرة وحبك
أنا فعلا لازم أبعد وأخون الوعد وأخلف
لا مش هحلف طب ليه وحشاني وأنا مش واحشك؟
اممم تمام يا بنت الناس إبعدي
ما أنا كنت يوم بحبك وإنت مصرة إنك تعندي
عارفة؟ لو إنت آخر حواء في أرض الله
مش ممكن أرجع ثاني لا خليكي هناك معاه
ماهو لو مكانش الطير بياخذ قومه بالأشكال
مكانش قلبي اتعلق من البداية وبار الحال
أزور شايف ملامحك في الشدة بتواسيبني
حبيت أبخس بنات الكون محدش يملا عيني
غرقت جوة بحر زايف عارف اتمديت في الغلط
فكرهت صوت البحر لأنه دايما بيفكرك
إخسرها هي أحسن ما كل الناس تخسرك
طب بكرة يزهق منك يرميكي وتشوفي غيره
ماحناش كاملين وكل واحد فينا كان له عيبه
أنا لما بشوف صوركم أو بقابلك صدفة من بعيد
ببص نظرة كسرة ليكم بعين عيل يتيم
وأقول يا بخته بيكي أمانة خلي بالك منها
دي كانت بنتي في يوم مشيت وخذها حال نصيبها
لو صحيت يوم في عز الليل واتصلت بيك وخايفة
طمنها روح لبيتها وغني لها وضحكها حبة
ولو في يوم لقتها يعني مقموصة وقاعدة مكشرة
أوعاك تسيبها مهما قالت دي بتبقى مكسرة
وخلي بالك من دموعها دي أطيب خلق الله
ربك عشان يخفف هم عن يعقوب عماه
أنا كنت أوسخ خلق الله وهي كانت جنبي
ولما أنا اتغيرت فوقت ملقتهاش في حضني
الظاهر يعني فوقت متأخر شوية
يا عم عادي أنا كويس طب ليه بتغني لسه
بغني عشان قليل الحيلة فبفضفض للغناء
أبويا قال لي حرام تغني إنت بتعصي في ربنا
يا رب إنت اللي عالم أنا بموت في كل مرة
فضفضت فيها أو حفضفض أصلا ثاني لسه
أنا اتبهدلت في الدنيا دي ياما قبل ما أشوفك
أنا مهلوك من اللف أنا هيكل جسم ذاب فـي خوفي
أنا قصة بـمية رواية كل واحدة بشكل ثاني
وحكايتك إنت غيرهم صعب تتحكي في أغاني
وحكايتك إنت غيرهم صعب تتحكي في أغاني
أنا فاكر أول مرة شفتك كنت لابسة إيه
فاكر أول كلام مابينا كنت واقفة فين
حافظ وفاكر كل حاجة أكنه كان مبارح
الدنيا لسه ماشية وأنا لوحدي في وهم سارح
الدنيا لسه ماشية مش بتهز لأنك روحتي
حبيتي غيري أكيد فهمتي الفرق بينا وشوفتي
أنا كنت شاري وإنت بغبائك
ضيعتي كل حاجة وبتقولي لي عادي
عادي ما خلاص يا عم عادي عدي
كلها يومين وتنسى تروح تحب واحدة بعدي
أوقات بننهي قصة حب بالعناد والزعل
طرف يسيب طرف يشد لحد ما يوم نتكسر
والمختصر مفيش جراح مش سايبة أثر
قربت منك جداً شوفتك طفلة قاعدة تبكي
ونسيت فلانة العاقلة اللي استحالة في مرة تشكي
معقول شكت لي عشان في يوم حبيتني
معقول شكت لي عشان في يوم حبيتني
التعليقات