اشبعي بيهم
واقعدي يومياً وسطيهم
ادخلي كافيهات واعملي حكايات املوا السينمات وابني في لحظات وافرحي بيهم
الناس اللي انتي في أحضانهم أنا م ليلتين لسه راميهم
واحكي بالنبرة المعتادة واضحكي وانتي بتوصفي شكلي
وأنا ببكي عشان ناس فارقوني
دخّلي في حياتك كل الناس اللي أنا قرّبت وخذلوني
واشبعي بانصاص ع الترابيزه
القاعدة مع التافهين ميزه
لا هتحكي عن الأحلام بكرة
ولا تمشي في سكة من التفكير
ولا تتكلمي علي بيت وسرير وكيان وحياة وامان باقي
في بنات بالفطرة تسيب راجل وتسلم وقتها لبواقي
اهو جاتلّك فرصة متتخدعيش
سيبك
متستاهلكش كله كلام و عدي
متقولش بكرا هكون تمام الوقت مش بيهدي
زعق اكتر
عيط و نام يمكن تشوفها في حلمك
انا مش بحلم
مشيت بجد يعني و مش هترجع
انا متكسر
مبسوط و راضي و قلت خلاص تمام
بقفل عليا اوضتي و بفضل اعيط مش بنام
انا غلبان
جذاء الطيبه اتساب بالليل لوحدي
فاكره لما قلت عايزك اوعي في مره تغيبي عني
و احر الدنيا بعد و مش بأيدي مش هتكلم
صوتك بيرن في ودني ماتسبنيش انا هتيتم
بس مشيت
نسيت وعودها مره واحده و بعدت
عادي سيبني
انا مستاهلش انك في يوم تكرهني
مش بكرهك
انتي اللي فهمتي خوفي غلط
انا اللي بكره نفسي عشان امنتلك و اتكسرت
و لتاني مره
مش شايف غير سواد
بدور يمكن ترجع و افضل اراقبك من سكات
يعني هان
كل الوعود دي كانت كلام
طب تمام
فالاخر يعني طلعت مش ملاك
كانت اميرتي
قولولها تقول و تحكي عني
انا اللي كنت نفسي ان انتي تستخبي في حضني
كنت صاينك
بس انتي لسه صغيره و هسامحك
مش بندهلك
انا غلطان عشان عشقتك شكلي
فاكره
ايوه علي اللي كان حبيبك
لو كانو خير ه مبين حياته كان هيجيلك
و الشوارع كل الحيطان بتحكي عنك
بتقولي راحت فين ارد اقول سابت و مشيت
مشيت
طب ومالو
قولولها عوني راح لحاله
قولولها زي مانتي قولتي راح يشوف حياته
فا اتكسرت
و متقوليش انت اللي اختارت
اسيب تشدي اشد تسيبي عيشتيني في حرب
و بلعن نفسي كل مره افتكرك و ارجع اكتب
عماله تيجي في بالي و كل مره بردو باخدك
جوه حضني
قوليلهم لما زعلت شالني
قوليلهم لو خيرته بين حياته كان يختارني
و انا اللي بعته لاجل صحابي لانه كان خانقني
و انا اللي كنت فاكرك يومها هتختاريني يا بنتي
بس عادي
انا اتكسرت خلي بالك بس ماشي
عمري الي ضاع .. انت الي ضيعته بايديك
ازاي بعد الي كان ما بينا اتساب و اهون عليك
مبتحبكش .. انساها احسن متستاهلكش
كل الناس قالتلي هتنسي بس انا منستش
عمري الي ضاع .. انت الي ضيعته بايديك
ازاي بعد الي كان ما بينا اتساب و اهون عليك
مبتحبكش .. انساها احسن متستاهلكش
كل الناس قالتلي هتنسي بس انا منستش
بتيجي فبالي ساعات بتعب بشتاق لحضن منك
و لا مني عارف ابقي زي الناس ولا مني زيك
انتي ازيك ؟ الحال تمام و كله بيمشي
هو الي بينا كان رخيص لدرجة انك عادي تنسي
طب تمام .. شوفتك جميله بالفستان
مش دي الي قالت مش هكون لحد غيره زمان
اشوف وشك بخير .. اسف عشان بغير
اسف عشان وعدت اغني بس اعذرني اخوك كئيب
و ادي الي طلعت بيه .. كل الي بينا انسيه
متطبطبوش عليا انا عارف كل شئ قسمه و نصيب
و اراقب من بعيد واشوف دنيتها عادي ماشيه
ابص من ورا الازاز اشوف صورتنا اعيط
و ابان للناس تمام و ابانلك مش فارقلي حاجه
القصه اتغيرت فالنص اشوفك بكره فالاعاده
الحق معادك .. اتفرج شوف وصلنا لفين
دعيت عليكي فاخر سجده و مقدرتش اقول امين
انا مش زعلان منك .. زعلان عشان جت منك
بعد اما كنتي ضلي فجأه بيحكولي عنك
انا مش زعلان منك .. زعلان عشان جت منك
بعد اما كنتي ضلي فجأه بقو بيحكولي عنك
انا كنت نسيت ان انا وحيد ليه فكرتيني !
خالصين من غير عتاب ولا طبطبه فسيبيني
كتر خيرك صبرتي كتير و صدقيني مسامحك
شكلك احلي جمبه و شكلي بايخ وانا ببص لشكلك
وربي و ربك مش نافعين لكنك حلوه
معييش يكمل نقطة فرحك تاخدي مني غنوه
متشكر ع الكام يوم الي ضحكتيلي فيهم
امانه عليكي مهما عدي عليكي بلاش تنسيهم
و بلاش تروحي معاه فمكاننا ومتقوليش كلامنا
و سيبي لينا ذكري لينا حلوه بلاش تشمتي العزول فحالنا
يالي انت كنت جنه ازاي بقيت جهنم
ازاي بعد ما كنت فرحة قلبي بقيت بتعب بسببك
علمني انساك و اسامحك انا مش قادر اضحك
علمني اني مهتمش و اطنش و اكسر قلبي زيك
وريني سكة الغياب انا كل حبايبي فيها
و علمني اسيب الحاجه الي انا حبيتها و روحي فيها
وديني لشط احكيله عشان الناس نسيتني
انا كنت وحش للدرجادي عشان الناس تسيبني !
عايروني بيكي يا نور عنيا عشان بحبك
لو رجع بيا الزمن بردو كنت عشقتك
سلامات يا غالي يالي غيري شراك برخيص
انا بتمنالك خير لو حبيتيه
عايروني بيكي يا نور عنيا عشان بحبك
لو رجع بيا الزمن بردو كنت عشقتك
سلامات يا غالي يالي غيري شراك برخيص
انا بتمنالك كل خير
و لتاني مره
بتحن هتخيب ولا ايه
دا انا ياما شيلت فوق كتافي هموم الناس و مشيت
ماتطيب خاطري
دانا كنت بطيب خاطرك ياما
اصحاب مفيش اخوات مفيش انا نفسي فين مش شايف
اوقات ببص لنفسي و بسرح حبه يعني عارف
بدمع كل مره بسرح فيها ابص لحالي
و اسرح في صورتك حبه اسرح في حالي حبه بردو
الواحد ضيع ياما سنين منغير مايبص لنفسه
اوقات بتيجي عليا ساعات و بكره عيشتي سابني
عادي يعني
اعذرني انا اصلااً ماتعودتش احكي
انا بتساب
ولاول مره ابص لنفسي اخاف
مش هنساك
دا كان كلام و مين فينا اللي باع
انا مشتاق
و اموت نفسي قبل اما اقول وحشتك
كله حس بضعفي كسره ضهري مش هسامحك امشي
قوليلهم سابني عادي يعني و متأثرش بيا
قوليلهم كان كذاب قالي انا تمام ضحك عليا
بس عارفه
خايف في يوم تترد فيكي
هتحبي حد زيي زي ما اتأذيت يأذيكي
مش هداري
انا اسف اني كنت شاري
رغم اللي شفته منك كل يوم بتيجي في بالي
كنت عارف يومها انك هتمشي و اتعشمت ترجع
كنت كل مره اقول تمام المره دي مش هرجع
بس عارفه
دمعت يومها غصب عني
كنت نفسي نكون مع بعض لحد يوم ما تكوني جمبي
كان خيال
هو اللي بينا بجد اتباع
ضحكت يوم لما قلت اننا في يوم هنكون بعاد
و بدون معاد
تلقاك لوحدك كله بيبعد
كانت معاك و في حضنك بس في لحظه زعل بعدت عنك
وانا بشوفها كتير بتضحك و امشي متكلمش
متخيلتش يوم هيجي علينا و نمشي مانسلمش
و ابقا اموت و اخدك في حضني بس مرضاش اني اضايقك
انا زعلان كان المفروض اني ابعد و ابقا زيك
مش هسامحك
مفيش نصيب اني ابقا جمبك عارف
زعلان عشان وعود اتداس عليها و فجأه هانت
و المقابل
ان اللي بيضيع قصادك
و انتي متتهزيش و تسيبي كل حاجه تضيع و عادي
عمري الي ضاع .. انت الي ضيعته بايديك
ازاي بعد الي كان ما بينا اتساب و اهون عليك !
مبتحبكش .. انساها احسن متستاهلكش
كل الناس قالتلي هتنسي بس انا منستش
عمري الي ضاع .. انت الي ضيعته بايديك
ازاي بعد الي كان ما بينا اتساب و اهون عليك !
مبتحبكش .. انساها احسن متستاهلكش
كل الناس قالتلي هتنسي بس انا منستش
جواباتك قطعتها و الشاتات اتمسحت
مبقتش بسهر افكر فيكي ولا بقيت بفتكرك
مبقاش يوجعني قلبي خالص و اتعالجت منك
انا مبقتش زي الاول بإختصار مبقتش احبك
عديت فمكاننا امبارح و مبصتش جمبي
وطيفك سابني و ملمحتوش ولا اتجننت فبعدك عني
بطلت ادندن صوت فيروز واقول اني اشتقتلك
شو حلوه الليالي لكن بيصيرلي هون في غيرك
بنام من غير تعب و سواد عنيا راح
و دماغي هديت م التفكير دلوقتي فبعدك انا مرتاح
لايقاله و هو لايقلك و انا لايق لنفسي
بحب الوحده عندي الكون بحاله جوه فأوضتي
مبقتش اتأثر بالكمانجا و عازف صاحبي مات
بقيت برتاح من غير الناس و بفضل السكات
بطلت مهددئات .. مش فاكر حاجه م الي فات
خدت ادويتي فمعادها وصحتي دلوقتي تمام
و رعشة ايدي خفت ياما و علي فكره بطلت اتهته
هي عاده وحشه بس فاضله فيا انا لسه بكدب
وعد .. بكره اكيد هنوحش بعض
هنتقابل بالصدفه فحته وهبتسم للبعد
هتشوفيني مجرد حلم تبصي عليه و متلمسيهوش
هعمل عمر جديد لنفسي بدل عمري الي ضاع فشوش
صوتي هيسمعوه ملايين صحيح حزين لكني هضحك
مهما هتعب هعلي و اسرح مهما تبكي مش هسمعلك
بكره هنجح .. هتحكي لعيالك عن قصة حبي
بس بلاش تقولي كنت وحشه جيبي العيب فحظي
قولي كان جدع و عشقني بس الحظ متلاقاش
و قولي ان احنا سيبنا الحب و ان الحب محبناش
ومتقوليش اتباع بلاش .. متدمعيش بلاش
بكفاية كسرة قلبي انك مش جمبي متزوديهاش
انا مش زعلان والله ده النصيب وعادي
عمري ما اتمنيت و اتحقق يعني مجتش ع المرادي
بلاش كمانجا .. سيبوني لوحدي ههدي
الواحد زعلان علي نفسه ايه وصله للحال ده
اشبعي بيهم نضفتك و انتي قولتي مالي
زعلان عشان بتيجي فبالي
عايروني بيكي يا نور عنيا عشان بحبك
لو رجع بيا الزمن بردو كنت عشقتك
سلامات يا غالي يالي غيري شراك برخيص
انا بتمنالك خير لو حبيتيه
عايروني بيكي يا نور عنيا عشان بحبك
لو رجع بيا الزمن بردو كنت عشقتك
سلامات يا غالي يالي غيري شراك برخيص
انا بتمنالك خير لو حبيتيه
أيام بتفوت وتعديها
في ناس بتعيش وتموت زيّي تقّعد وتقوم وتقضيها
وأنا مش هشرحّلك لو لعبة اتزهدت يحصل إيه فيها
كتّري مكياج واقسمي نفسك بين الكافيهات
وافتكري إن انتي كسرتيني بلمّة نفايات
بكرة مع الوقت هتكتشفي إن انتي يا دوب كنتي وسيله
أنا لسه بحالتي وكلي إيمان
إن أنا استاهل بنت حلال
الفرق اللي ما بينّا لا يُمكن يتصلّح ولا يُمكن يتقال
روحتي علي عيال تعملي صاحبه
وانا أملي في صاحبه وأم عيال
أنا أملي في بيت وخناق وعيوب
أملي في خلافات بالوقت تدوب
وفي واحدة تخاصم ومتفجُرش
إن كان الغطا سُتره وضِلّله
فالغطا بيكي يضل مايسّتُرش
وأنا آسف علي كل محاولة
ع الحرب الخلصانه بجوّله
التعليقات