أيام كالعادة ما بتحلى نقوم من النوم في محنة
كان مكتوب إن احنا نحزن نضحك فالضحكة بتقتلنا
نشوف صورنا نقول كانت أيام والعمر عدى
أصعب شيء زمان قابلته سهل جدا النهار ده
الدنيا بتقسى وبتصعب وإنت بقيت كبير فاتحمل
كل الصعب مسيره يعدي تنور مهما الدنيا تضلم
مهما بقيت جدع وفي ضهر الكل لازم تحزن لوحدك
كنت زمان مخدوع في صحبة وعزوة وقطر الدنيا وأخذك
فانسى لامؤخذة إخواتك دول عويلة
طيبتي زمان خلتني أصدق حواديت ألف ليلة وليلة
قولتي بحبك قولتي هفضل جنبك وإنت قولت أنا أخوك
ربيت الكلاب بإيدك شوفت لما جاعوا كلكوك
مايستاهلوش
دمعت عينيك كانت أغلى من اللي سابك
غيرك ياما بص ليك كان كل حلمه يكون مكانك
بكرة الدنيا تديك قيمتك فاصبر ومتسألش إمتى
كله أتمنى يكون يكون في ناحية وإنت اتمنيت تبقى إنت
ومهما تطبطب ما بتطيب ما بطيب
شايل فوق كتافي ومتعسف مستحمل مش بميل
وقالوا ياما مسيرنا نقرب رغم البعد لينا دوا
بشيل فوق طاقتي أكني شايل الهم لينا سوا
ومهما تطبطب ما بتطيب ما بطيب
شايل فوق كتافي ومتعسف مستحمل مش بميل
وقالوا ياما مسيرنا نقرب رغم البعد لينا دوا
بشيل فوق طاقتي أكني شايل الهم لينا سوا
مبننساش
أنا استنيت والرك ع اللي مجاش
كثر خيرك مستغناش إن كنت مين متشغلناش
متشبهناش
مش من طبعي إني أدادي عادي بخسر
كنت بشيل في نفسي وأسهر سيب الحزن فينا يكبر
سيبها تخرب مهو مش عدل تهد وتطلب مني أعالج
ياما كنت ببات في عتمة وإنتوا محدش فيكوا داري
ربك يعلم بنبات في قصة ننام نحلم ما نصحى
كل يوم عن يوم بنشيل أكيد هيجي يوم ونصفي
ربك يعلم على قد ما كنت طيب كنت بندم
كنت بزعل لما تميل وكنت بترتاح لما بحزن
كنت عارفك ولكني قلت سيبها مسيرها تلين
قولت الوقت مسيره يحل أستنى أيام مابتعديش
وما بيهون إني أبقى زيك وإنت ما بتصون
قولي الغلط عندك ولا عندي معادش شئ مضمون
صاحبي الشدة مسيرها تزول لكني فاكر كل شئ
ويوم معادنا عند ربك افتكرني لو نسيت
ومهما تطبطب ما بتطيب ما بطيب
شايل فوق كتافي ومتعسف مستحمل مش بميل
وقالو ياما مسيرنا نقرب رغم البعد لينا دوا
بشيل فوق طاقتي أكني شايل الهم لينا سوا
و مهما تطبطب ما بتطيب ما بطيب
شايل فوق كتافي ومتعسف مستحمل مش بميل
وقالوا ياما مسيرنا نقرب رغم البعد لينا دوا
بشيل فوق طاقتي أكني شايل الهم لينا سوا
التعليقات