كان اخر ديسمبر عز الليل الساعه 2 تحديدا
فجأه صحيت مـ النوم مخضوض مكتش جمبي مكتش جديده
بس الغريبه قلبي كان مش راضي يهدي
كان بيدق كأنه عايز يكسر عضم صدري و يخرج
كنت شايف كل شئ بهتان و اعصابي كانت سايبه
كان حوالين عنيا اسود و كان غرامها فـ قلبي استكفي
كنت بقوم م النوم مهدود و كأني بقالي اسبوع مطبق
كنت كل مره بنام بقوم مخضوض و نفس الحلم اتكرر
يوم الرحيل تحديدا كنا 4 العصر
كنت شايفها اجمل اميره و كل مقابله اكنها اول مره
قالتلي بص مش هطول انت هتقدر تنسي
ماحناش ننفع بعض و لا انت تنفع اي حد اصلا
و سيجارتي وقعت من ايديا لما خلاص صدقت
ان هي مش بتهزر و احنا بجد هنبعد
مشيت سابتني فضلت واقف ع طريق البحر
زي طفل فـ نص السكه تاه مش عارف يرجع
كل الفكره فـ التفاصيل زي مثلا يوم ما مشيتي
شوفت برود فـ بطئ شفايفك كان في رمش واقع تحت عنيكي
كنتي تايهه .. و كان في خصله طالعه بره الطرحه
جسمك المرادي مترعشش فـ حضني زي كل مره
كنتي طافيه .. و كات طافية سيجارتي وقعت
كنت خبيت ايدي جوه جيبي عشان متبانش بترعش
انا كويس .. او يمكن انا بكدب فـ سيبك
كات جميله و كات جميله و كات جميله و كات جميله
و لقيتني بخرف فـ الكلام و بعيط وسط الناس
و اعلي صوتي و ازعق كله بص وهي مهتمتش
و انا مستنتش ايد عليا تطبطب كنت لوحدي
كنت بهذي و مش فاكر ايه الي دار مع انه امبارح
و فضلت ماشي فضلت ماشي فضلت تايه
كنت عايش شبه ميت شبه مش موجود اساسا
كنت نفسي تكون حكايه سعيده و نحكيها لـ ولادنا
اختارنا اسوء قصه و مثلناها بـ التفصيل الاسوء
كات اول مره اشوف القسوه فـ عينك باينه
و اختلفت ردود افعالنا لما خوفت و لما كنتي خايفه
كات اول مره ابان ضعيف قدامك فعلا
كنت حاسس انك ماشيه و كنت حاسس اني هموت من بعدك
و الهوا يزق فيا اكنه عايزني اغور فـ داهيه
اكنه كان حبيبك كان زعلان عشان شايفك مضايقه
و لحد دلوقتي كل ما يجي عليا ديسمبر
بفتكر بزعل و بزعل بفتكر بتعب و اكمل
كل الفكره فـ التفاصيل زي مثلا يوم ما مشيتي
شوفت برود فـ بطئ شفايفك كان في رمش واقع تحت عنيكي
كنتي تايهه .. و كان في خصله طالعه بره الطرحه
جسمك المرادي مترعشش فـ حضني زي كل مره
كنتي طافيه .. و كات طافية سيجارتي وقعت
كنت خبيت ايدي جوه جيبي عشان متبانش بترعش
انا كويس .. او يمكن انا بكدب فـ سيبك
كات جميله و كات جميله و كات جميله و كات جميله
التعليقات