تغيب عني ثواني، وأزقرك عوّد
يا سيّد القلب شوف القلب يا سيده
محتاج لك في العمر، وأصبحت متعود
على مشاهدك، هذا كل ما أريده
حبك دخل ع الفؤاد بدون ما يهوّد
غرامك تفتح البيبان له سيده
قلبي بغرامك وحبك زود متزوّد
ما سمع لغو الحكي فيك وحساسيده
غرامك مغذي الشريان ومفوّد
نواحي القلب وانت من مواريده
أزيد لك حب فوق الحب وأكوّد
والقلب يعطيك زود وروحي تزيده
كفّي بعطرك يا لين الحين متيود
يا حظ من ريح عطرك ساكنٍ بايده
يا ضامر الخصر باقي العود متخوّد
غيرك يقلدك لكن خسر تقليده
أنا لعينك هدية واِقبل و يوّد
محب يعشقك يوفي في مواعيده
التعليقات