انت قلبي وانت شرياني
وانت روحي وانت غاليها
وانت فكري وانت وجداني
والمشاعر لي اخبيها
وانت فرحي وانته احزاني
والحيا حاضر وماضيها
والجروح الي تبلاني
والطبيب الي يداويها
وانت تسوى كل عرباني
وارضنا والناس لي فيها
والخليج وساحل عماني
والاراضي لي حواليها
والعراق وريف لبناني
والعرب والشام تاليها
وتونس الخضرا وحوراني
وارض لهرام ومبانيها
سيدي مالك شبه ثاني
طلتك ماحد يساويها
مثل نور الشمس يعشاني
بارق الخدين لاضيها
لو بوصف يعجز الساني
والشعر تعجز معانيها
من يوصف حور لجناني
غير رب الكون منشيها
التعليقات