يا جميل المحيا منك مب مني
قمت تبعد بعيد و تترك أحبابك
شوف الأيام بعدك كيف خلني
ع فراش الشقا و أسامر غيابك
كم الأشواق ودنّي و يابنّي
كل ليلة يمرنّ بي على بابك
مكثر الخود لكن ما يعيضني
يا مطول غيابك ما رخصنا بك
كل ما فيك معجبني و مذهلني
من غلاتك أقبِّل وطية ترابك
مدخل الله دخيلك لا تجنني
خاف ربك عليّه و احسب حسابك
يا حبيبي تفضل وش بدر مني
ليش غيرت دربك شالذي صابك
الزمن لي مضي يا ليت بيثني
يوم عهد المودة به فرحنا بك
لك أغني فرح و إحساسي يغني
يا فريد الحسن أموت و أحيا بك
مطلب القلب عن حالك تطمني
و ليت يا ليت خطك دايمٍ شابك
التعليقات