سيدي ذكرك عبر الارض وتعدى
للمجره لاذكرو لك اي سيره
لانك اول رجل للفتنه تصدى
ونظرتك في كل وقفاتك خطيرة
وانت رجل صادم الوقت وتحدى
وحاسم الموقف وعارف وش مصيره
وكل عايل لا سمع طاريك هدى
لن كسرك ما تداويه الجبيره
وانت المقدي وبك ناس تقدى
وانت شوف اللي عمت فيه البصيرة
وانت وبل في صدور الناس ندى
وانت من عم البشر طيبه وخيره
وانت حاكمنا وقايدنا المفدى
وانت موطن مالنا في الارض غيره
شوف الشعب كيف في طيبك مبدى
والمواطن عارف وش في ضميره
ويوم ضاق بنا الزمان وثم تردى
ماتركت النا على الدنيا قصيره
والزمن وان جاب في الدنيا وودى
ما خلق مثلك على شبه الجزيرة
التعليقات