و تْمرّني ذِكراج يْـالـفَـقد العظيـم
وآغيب في صمتي و هيبة هالمقام
وْبين الوَلَه والحب والحزن الأليـم
الله يا هو بْـقلبي لج شوق وْ كـلام
عامٍ لِفى وْلازِلت في العهْد القديم
مدري على أي حال أبستَقبل لي عام
غِبـتـي جِسَد طاهِر تـِواراه الأديـم
وْحُبِّج يعيش بْخافقي.يصحى وْينام
من للورود إن رِحتي يالغيث الكريم؟!
وْمن للمكان وْإنتي نوره في الظـلام؟!
حتى عِشارج صُبْـحها عقبج عتـيـم
وشهو الصباح بْليا شـوفج والسلام؟!
لي قلب.لٰكنّه بَعَد عيـنـج يـتـيـم
مِتـوَلِه إلصوتِـج و حِـسّ الإهتـمام
وْ لي عين كلما مَرَّها طيفج تـهيـم
وْتِنشاف فيها الوِحْدة لو وسْط الزحام
لكن عزاي.إنتـي بْكََنَف ربٍ رحيـم
وإنِّـج دُعـاءٍ في صـلاتي والقِـيـام
يجعل لِقانا يْاامي عاشه في النعيم
في ظِلّ ربي وْجنّته وْحسْن الختام
لي قلب.لٰكنّه بَعَد عيـنـج يـتـيـم
مِتـوَلِه إلصوتِـج و حِـسّ الإهتـمام
وْ لي عين كلما مَرَّها طيفج تـهيـم
وْتِنشاف فيها الوِحْدة لو وسْط الزحام
لكن عزاي.إنتـي بْكََنَف ربٍ رحيـم
وإنِّـج دُعـاءٍ في صـلاتي والقِـيـام
يجعل لِقانا يْاامي عاشه في النعيم
في ظِلّ ربي وْجنّته وْحسْن الختام
من للورود إن رِحتي يالغيث الكريم؟!
وْمن للمكان وْإنتي نوره في الظـلام؟!
حتى عِشارج صُبْـحها عقبج عتـيـم
وشهو الصباح بْليا شـوفج والسلام؟!
التعليقات