مساحة إعلانية
جوه كل حكايه مليون قصه و حكايات
وليه مبتكونش النهايه زى ما كانت البدايات
ولو قررنا ان احنا ننسى بتفضل عايشه الزكريات
كأنك واقف جوه دايره بترجع فيها للفات
مجروحين ومكسورين
وبجرح غيرنا مش حسيين
كلنا مرضا نفسين
بس اختلافنا ف العله
موجوعين ومهزمين
مين فرحان ومين حزين
واللى كانوا عشرة سنين
مسكين علينا ميت زله
الوش دبلان م البكا وظلم السنين
والقلب مجروح واشتكى من كتر الانين
بيعدى الوقت وبنفضل
نشبه انتيكا ف رفوفنا
خلاص ملينا من روحنا
وباين ف العيون خوفنا
لو معشناش لنفسنا هنعيش لمين
الاحساس بالحب مات
والاهتمام اصبح سكات
ومش باقيلنا من اللى فات
غير تفاصيل مؤلمة
تشوفنى تقول مليان قوه
مع انى مكسر من جوه
وبعيش بالغصب حياة واحد
مكانش ف نفسى اكون هو
وعزة نفسى بتمنعنى
احكى عن كسر بيوجعنى
وعن حالى هتسمعنى
بضحك وبقول كله تمام
مجروحين ومكسورين
وبجرح غيرنا مش حسيين
كلنا مرضا نفسين
بس اختلافنا ف العله
موجوعين ومهزمين
مين فرحان ومين حزين
واللى كانوا عشرة سنين
مسكين علينا ميت زله
التعليقات