ثورتنا عرس الفقير وفرحتو
وكابوس بليلكن لو عن كراسيكن ما زحتوا
اسودّ الليل
اشتد الويل
وكذبت الحكاية
ما في خيّالة عالخيل وصلنا للنهاية
يا ويلكن ويلكن
من ثورتنا يا ويلكن
عدل السما يمحيكن
ما يعود يخلص ليلكن
بعد الجوع وبعد الموت
وتهجير وبطالة
شو باقيلك غير الصوت
خلّي صوتك عالي
لبنان وبدنا نحميه
من الناس اللي عم تسرق فيه
لبنان وبدنا نحميه
من الناس اللي عم تسرق فيه
مش عم نحارب عكرسي ولا منصب سياسي
حراميي نصابين ما الهن أمانة
كل واحد منهن بيحطّ الحق على التاني
يا شعبي حاجة تنذلّ
قوم وقاف بوجّ الذلّ
صاروا مراية عار وذلّ
كسّر هالمراية
التعليقات