كلمات اغنية فادي عادل – يا رب التوبة

صحوني

وصحيت من نومي

مش عارف ليه مش متطمن

اليوم ده شكله مش يومي

انا صاحي قافش ومخون

وانا فاتح قلبي ع البحري

و الغلطة بعشرة أمثالها

مش خايف من حد ولكن

خايف من نفسي و أمثالها

انا فاتح قلبي ع البحري

و الحجة ان انا إنسان

ندمان على ايه انا مش عارف

انا تقريبا مولود ندمان

يا قمر في العتمة مونسني

انا مين من نفسي هيحرسني؟

دعوة أهاليا أم عملي؟

نظريا لازم أكون عملي

و افوق م الكاس المتشبر

من فترة باحاول اني اكبر

و اتدمر كل ما تلمسني

حاجة في ضميري بتوجعني

لا سايبني ضميري استطعم

ذنبي.. ولا قادر يمنعني

ريحتك في هدومي مخيلاني

مين فينا الاول للتاني؟

مش شايف ازاي شايفاني

قلقانة صورك ف دماغي

قلقانة لدرجة قلقاني

يا ذنوب ع الواحد مكتوبة

و يا توهة محتاجة خريطة

توريطة و يارب التوبة

ودي حتى التوبة توريطة