مساحة إعلانية
في اسئلة براسي
عنِّك عن الحارة
عن كيف مرق الوقت
عن شو عملتي ع السكت
إذا جد نشّف الوادي
إذا بقيت حجارة
في اسئلة براسي
عنِّك عن الحارة
عن كيف مرق الوقت
عن شو عملتي ع السكت
إذا جد نشّف الوادي
إذا بقيت حجارة
شوي بتوجّع برلين
حلوة وملانة ناس
بس بشتاق لإم صبري
وبشتاقلِك انت بالأساس
شوي بتوجّع برلين
حلوة وملانة ناس
بس بشتاق لإم صبري
وبشتاقلِك انت بالأساس
احكيلي شو بحكوا أخبار
اعطيني شو عندك نميمة
بلا خرّاف الجارات
القهوة بطّل إلها قيمة
مين أجّر داره لمشتاپ؟
طيب مين صار أرخص ديلر؟
مين مسكته مرته عَ الحامي
ماخد صاحبته عَ تسيمر؟
بقولوا إنّه حمودة
الي كان يتمرّن حديد
محبوس من شي سنتين
قال سارق فرع البريد
طب بعده عاطف بالعمار؟
بعده ما هدّه التعب؟
بعده كل ليلة البوليس
بتمنيك عَ ولاد العرب؟
بعده ماكلنا الغضب؟
بعدا الطوش مع الروس؟
بعدا كلّ الحارة بتبكي
كل ما كان طلعة عروس؟
بعده حسن عم بخزّق
عجال الي أخدله الصفّة؟
والبرندة عَ البرندة
أقرب من شفة عَ شفة؟
كبرت الحارة سمعت
جابوا ملان أثيوبيّة
وانت نقلتي مع صديقك
سكنتوا بالألمانيّة
طب، عم تقعدي بفتّوش؟
عم بتشوفي إم وديع؟
بعده ألصبح أشرف حنّا
بوخد قهوة ع السريع؟
بعدا معلّقة السلال؟
بعدا بتمشي الكرمليت؟
بعده مصمّم موسى الراي
ينزل يتصيّد بعتليت؟
بعدا بتطوّل البارات
بتسكّر وجه الصبح؟
بعدن بحكوا بالسياسة
وبفتحوا براسك قُدِح؟
بعدك عم بتصدّقي حالك
لمّا تقولي آخر shot؟
طب طلعتي مع حدا غيري
من البار ونمتوا عَ الشط؟
بقولوا عنك لئيمة
إني بسببك انجنّيت
إنّك انت اللي تركيني
ودشّرت البلد وهجّيت
بعرف مش هاد الي صار
بس هاي الحارة بتتغيّرش
دايمًا بتعلق المرا
وبالشب الناس بتسألش
بس مش متصل أتأسف
أنا متصل أضحك معك
عَ إنهن بحكوا قصّتنا
وهنّي ينقّشوا كعك
حلوة القصّة الي اخترعوها
القصة أحلى من الحقيقة
بتضلها أنغش بكثير
من كذبة إنّك صديقة
ومتصل احكي تنضغطيش
شهرين وهالحارة بتنسى
وأنا زي كل ولاد الحارة
برجع قلبي بسرعة يقسى
ومتصل أحكي عن برلين
حلوة ملانة ناس
بس بشتاق لإم صبري
وبشتاقلك انت بالأساس
شوي بتوجّع برلين
حلوة وملانة ناس
بس بشتاق لإم صبري
وبشتاقلِك انت بالأساس
التعليقات