بتقلّي الماما دايمًا
أدير بالي من الغريب
ما آخذ منّه إشي
وما أبقى حدّه قريب
بس كل الوقت بشوف
شو حلوة أشكال الناس
بعرف في ألوان كثيرة
بعرف في ملان أجناس
بشوف الناس بالشارع
بسأل حالي وين عايشين
شو أكلوا عَ الغدا
أو لمين مشتاقين
إذا عندن صاحب خيالي
إذا كانوا مرّة بالصّين
إذا مرّة شافوا أميرة
إذا بالواقع في تنّين
أسأل عمّو شو عم بشتغل
أسأل خالتو شو بتبيع
أمسك إيد ولد أصغر منّي
أحسن م من إمّه يضيع
أشوّح لوجوه العالم
بالباص المارق سريع
أحكي لختيار ع المحطّة
إننا بفصل الربيع
التعليقات