أنا كيفي كده هو كده أنا كيفي كده
يومي بيتعكز عليه وبأبقى متسندة
وكل واحد عنده كيفه أنا متأكدة
وكل واحد عنده كيفه أنا متأكدة
أنا كيفي أوصل متأخّر .. لو يوم جيت بدري أتوتر ..
وكوبايتين في تلاتة أربعة شاي بحليب متبستر ..
بعديها أنا ممكن أفكر أبدأ شغلي المشحون
ويّا مديري المجنون
وأكون أو .. لا .. أنا أكون
فيا حضرات المستمعون .. هل تتفقون .. معي
بإن الذنب مش ذنبي وإنه ليس على جنبي
وإن اللوم على شغلي ؟
بإن الذنب مش ذنبي وإنه ليس على جنبي
وإن اللوم على شغلي ..؟
شلال رتابة وفرهدة
أنا كيفي كده هو كده أنا كيفي كده
يومي بيتعكز عليه وبأبقى متسندة
وكل واحد عنده كيفه أنا متأكدة
وكل واحد عنده كيفه أنا متأكدة
وأنا كيفي يا عزيزي المعجب الولهان زين الشباب
أدخّلك بإيديا في دايرة الأمان ويّا الصحاب
وبيسمّوه بالنحوي الإنجليزي: "فريندزون"
حماده .. عطيه .. حسن .. وحسين
هشام؟ ايه اللي جابك هنا؟
آه صحيح .. ده انت هنا من سنة 90
والله أنا كنت كيوت .. وعشقت لي واد قطقوط
وأما اتهفيت في عقلي وروحت وقلت له:
بأحبك موت ..
سكت دقيقة وبعدين قال:
"أنا بأحبك .. لكن زي أختي .. يبقى لطيف لو نبقى صحاب"
يبقى لطيف لو نبقى صحاب
من يومها ما بقيتشي كيوت .. وهوايتي أجمّع في الزون
أشقر / أسمر/ خمري/ راستا/ أفرو/ هندي .. كان ما يكون
أشقر / أسمر/ خمري/ راستا/ أفرو/ هندي .. كان ما يكون
فيا حضرات المستمعون .. هل تتفقون .. معي
بإن الذنب مش ذنبي وإنه ليس على جنبي
وإن اللوم على صاحبي ..؟
بإن الذنب مش ذنبي وإنه ليس على جنبي
وإن اللوم على صاحبي .؟
خذلني وشمّت العدا
أنا كيفي كده هو كده أنا كيفي كده
يومي بيتعكز عليه وبأبقى متسندة
وكل واحد عنده كيفه أنا متأكدة
وكل واحد عنده كيفه أنا متأكدة
وأنا كيفي كل يوم أسكور واليوم ينقضا
وأنجلي وأطير وأطير وأرفرف في الفضا
وأغني وأقول:
"اعمل لي ميكس من الحاجات يا عم
واسقيني كاس ينجدني من السحلة
اليوم يا دوب بيعدي نُصه الوحِش
فيه نص تاني نفسي يكون أحلى"
وأرجع من تاني
في اليوم التاني
وأرجع من تاني .. في اليوم التاني
أجري في مكاني
ورجلي في الوحلة
فيا حضرات المستمعون .. هل تتفقون .. معي
بإن الذنب مش ذنبي وإنه ليس على جنبي
وإن اللوم على الدنيا ؟
بإن الذنب مش ذنبي وإنه ليس على جنبي
وإن اللوم على الدنيا ..؟
بتنفّض قلبي بمنفضة
أنا كيفي كده هو كده أنا كيفي كده
يومي بيتعكز عليه وبأبقى متسندة
وكل واحد عنده كيفه أنا متأكدة
وكل واحد عنده كيفه أنا متأكدة
وأنا كيفى أكون فاشونيستا
في شياكتى مفيش اتنين
بلبس على كيفى و أسطى
في القص وفي التفانين
بأشترى ماركات "سينييه"
صيفي وشتوى وسواريه
والناس أول ما تشوفني يقولوا: "الحلوة دي إسمها إيه؟!"
و أصرف آلافات آلافات
شيميزات على بنطلونات
واتصور بوز البطة كمان و بولّعها لايكات
لكن على نص الشهر انا قلبى بجد بيبقى حزين
حزين
علشان بضرب تفليسة رغم الفولورز الملايين
وأخيرا بعد البحث لقيت الحل وقلت: "أمين"
هفرش بيهم في العتبة
هفرش بيهم في العتبة
وأبيع الحتة بعشرين
فيا حضرات المستمعون.. هل تتفقون معي
بإن الذنب مش ذنبي وإنه ليس على جنبى
وإن اللوم على الموضة؟
بإن الذنب مش ذنبي وإنه ليس على جنبى
وإن اللوم على الموضة؟
هأشحت على باب السيدة
أنا كيفي كده هو كده أنا كيفي كده
يومي بيتعكز عليه وبأبقى متسندة
وكل واحد عنده كيفه أنا متأكدة
وكل واحد عنده كيفه أنا متأكدة
وانا كيفي أحلم في اليقظة وأفرك في معاني الأيام
واللي ما يتحققشي بجد .. أقدر أحققه في الأحلام
أرجوك عديني البراميل .. وديني على وادي النيل
نقعد وندلدل رجلينا .. عمرنا ما نخاف من قناديل
أرجوك عديني البراميل .. وديني على وادي النيل
نقعد وندلدل رجلينا .. عمرنا ما نخاف من قناديل
وأفضل أعيش ع الحلم الوردي .. أُنس باريس وأمستردام
واصحى يا "بودي" على صوت بينادي:
دار السلام .. دار السلام .. دار السلام
أنا كيفي كده هو كده أنا كيفي كده
يومي بيتعكز عليه وبأبقى متسندة
وكل واحد عنده كيفه أنا متأكدة
وكل واحد عنده كيفه أنا متأكدة
وكل واحد عنده كيفه
التعليقات