نفس المكان .. نفس الجروح
نفس التلاقي في تحضيرات التجريه
نفس البواقي .. نفس الطموح
نفس السؤال و الاجوبه
روحين بيتقابلوا في سكوت
و العين بترسم بكره قبل مايفهموا
صنف البشر معجون جنون
و لا ١٠٠ سنه بتعلموا
الحب مش كلمه و خلاص
و قلوبنا مش حمل اقتناص
حتى الخلاص
مش اي حد بيهزمه
الحب مش كلمه و خلاص
و قلوبنا مش حمل اقتناص
حتى الخلاص
مش اي حد بيهزمه
لمسة ايدين .. رعشة طريق
ضعف السنين
قشة غريق
و تفوت ثواني يقربوا
حلوه المشاعر
احساس برئ
" - طاب و الخساير ؟
- خليك جرئ " .
و نبص عاللي هنكسبه .
عدت دقايق و فرح طريقنا بتجهيزاته
اتنين صحوا
بعد اما قالوا خلاص ده ماتوا
قربنا من بعض ف مافيش
و الله اعلم باللي جاي .. و تقسيماته
الحب مش كلمه و خلاص
و قلوبنا مش حمل اقتناص
حتى الخلاص
مش اي حد بيهزمه
الحب مش كلمه و خلاص
و قلوبنا مش حمل اقتناص
حتى الخلاص
مش اي حد بيهزمه
بعد الفراق .. قربنا يمكن .. و بعدنا جايز
احاسيسنا كانت .. احاسيس عجايز
مستعجلين .. بنعبي اوهام الهوى ف حبة ازايز
كنا عاوزين اللقا يكتب بداية حبنا
بس جايز حبنا ... ماكانش عايز
التعليقات