اطلب اللي شرع ابوابه مهي منغلقه
في وجيه عباده اللي يرتجون افضاله
ولا توقف في وجيه العالم المنطلقه
من وقف فوجيهها ماهوب يسرك حاله
وش تسوي يالشجاع وناطحينك شلقه
كم شجاع تربوها له وهو بلحاله
والحقيقه دايما تطلع مع آخر حلقه
قد بعضنا راس ماله غترته وعقاله
فيه رجل من صلاة الصبح مثل الطلقه
مجتهد ولايحصل غير ما الله قاله
وفيه رجل ماتعب والله مزينها له
انما الارزاق عند الله ويعطي خلقه
لاهي بالقوه ولاهي بحيلة الحياله
لاتدور عذر واهي للخطا وتختلقه
ذم ربي فالبنادم كثرة استعجاله
ولاتحوش الرزق من عوج الدروب الزلقه
ولاتسوي ماتسوي العالم البطاله
واقترح على السنافي مايضيق خلقه
دام ربي كافل رزقه ورزق عياله
التعليقات