تعال امسح على جرح الوله الحين
تعال ارجوك وقول اشتقت لك مره
تعبت انت وانا وحبنا المسكين
فقدتك وفقد هذا الوله صبره
حزين وممتلي قلبي لقانا وين
انا اللي سلمك روحه وكل امره
انا من يوم حبيتك عرفت امرين
عرفت الفرح من صوتك ومن نظره
ننام ونحلم ونغفى ونقول تزين
ونتساءل متى ممكن يجي بكره
تعال اسبقني للجيه ابيك سنين
تدلل حب فقلبي لك شكثره
انا وانت نسينا وشو يعني اثنين
جسد عايش بنفس الروح في صدره
اقول اني اعيش العمر بك عمرين
ياوجه اعشقه وابغاه وانتظره
تقول الله عطاني فالصدر قلبين
لاجل اقدر اشيل الحب من كبره
التعليقات