كثير اللي أبي منك لأنك عندي بالدنيا
أبي منك حنان وحب أمان وقلب ما يقسى
أبي نمشي بنفس الدرب ولا تهجرني وتنسى
أبي لا ضاقت الدنيا على قلبي قريب القاك
أبي لا احتجت لك توقف معي ما احتاج أحد غيرك
أبي منك تعوضني سنين العمر قبل أهواك
وأبد مابي ولو لحظة تحسسني بتقصيرك
أبي منك تشوف اني ملاك بصورة الإنسان
يغيب وياخذ العالم ويلغي الناس بحضوره
وأبي منك تشوف اني وطن يغنيك عن الأوطان
ويصير الكون بغيابي بقايا أرض مهجوره
تعال أحتاج لك تحكي تراني اكره سكوتك
أبي أسمع أنا أحبك وأنا ياما تمنيتك
بداري خاطرك وأوله عليك وأشفق لصوتك
وأدور راحتك لأني يم الناس حبيتك
التعليقات