يتصل بي مايتكلّم
لا سلام الله يسلّم
ما درا وشلون قلبي
في غيابـه كم تألّم
ناويٍ في قلبــي نيّه
نيّته ما هي ...شويّه
أدري به طيب ولكن
قسوته هي بس عليّه
***************
إن قفلت الخـــط مرّه
يشتعل و يموت حرّه
مشكله أدري بـ قلبي
راضــي بخيره وشره
***************
متعب ٍحالـي جنونه
مدري أبعد أو أخونه
إن نوا ... قلبي بعاده
عيني ما تصبر بدونه
***************
كلمات : خالد المطيري
الحان : ماجد المخيني
توزيع : بشار سلطان
مكس وماستر : جاسم محمد
التعليقات