كلمات اغنية كارلا شمعون – اطلّعي على حالك

اطلّعي على حالك وشوفي قدّي إنت حلوة

بكل جرأتك، بكل مخاوفك، بعدم ثقتك وبخجلك

شو حلوة لمّا تبوسي حدا

يغمرك حدا

أو تشتاقي لحدا

شو حلوة لمّا بتستحي أو لمّا بتتذكّري حدا

اطلّعي على حالك وشوفي قدّي إنت قويّة

شو حلوة لمّا بتتحرّري من قيود كانت آسرتك

ومن قيود كنتِ إنت آسرا حالك فيا

شو حلوة لمّا بتتطلّعي لورا وبتشوفي نجاحك هلّق

من تعبك ورا

اطلّعي على حالك، شو حلوة لمّا تقدري تبتسمي بدل ما تجاوبي

تبكي بدل ما تضحكي

أو تفلّي بدل ما تبقي

اطلّعي على حالك، شو حلوة لمّا تكوني على طبيعتك

ومليانة كلّك ثقة

اطلّعي، وشوفي قيمتك شو غالية

شو مقدّسة وقدّي أعلى من رأي كلّ حدا

اطلعي على حالك، وقدّري الناس اللي حبّوكي

واشكري الناس اللي إذيوكي

شوفي قلبك شو نضج

وشوفي قلبك شو حلو

إمّك، بنتك، إختك

بكيتو سوا، زغلتو سوا، وجعتو سوا، وخفتو سوا

بس أهمّ شي، كبرتو بجمالكن سوا

اطلّعي على حالك وشوفي قدّي إنت حلوة

أنا كارلا شمعون، وهيدي رسالتي لإلك