مساحة إعلانية
لابس بدلة اسود فاسود
ما التانية فالغسيل
كان نفسي فكذا حاجة
وللاسف مبتجيش
اعصابي فالتلاجة
ومعاها الاحاسيس
والقهوة بقيت سادة
حتي الطعم ميفرقليش
ومتخافيش يا امي انا كويس صدقيني
كل ده نتاج مواقف حصلتلي و مكنش بايدي
اني اغير القدر و الدنيا شكلت شخصيتي
و جوا بيتنا ده الوقت الوحيد اللي ببقا فيه حقيقي
بس كاره ده و مش عارف اخرج منه
كريم بيهرب فالمزيكا والقلم طلع غله
عنده ٢١ سنة و مش شبه اي حد فسنه
و دي مبقتش حاجة تضايقه لانه حقيقي فعرف قيمته
فهمتوا
بسأل عليك الليل
هو انت فين
غيبت ليه!؟
بسأل عليك الليل
ده دمع العين
ضاع عليك
مش مستوعب انا دماغي بتجيبني و بتوديني لفين
بفكر أذي نفسي و الافكار دي بتجيلي منين
بطلت اسأل من زمان هو كل ده بيحصلي ليه
و التفسير المنطقي الوحيد ان ده عقل شخص insane
بس
بحاول اطلع و الجبل مليان مطبات
و شوك فايدي غرز واصوات فدماغي باحباط
ومش عارف ابقي كويس ولا اكمل و ابقي ستار
و السكة مش هتبقي صعبة لو انا صاحب القرار
والليل هيخلص مهما طال
ويارب مخلصش معاه
والراب بجد كان زرار
لشاب الناس مش سامعاه
و فعز الضلمة وبقول اني مش الشخص اللي الناس هتنساه
عشان مهما اتكسر فيا هفضل اكسر فالاقلام
بقيت خايف مني
ومش عارف حتي انام
و بقيت بسمع صمت فودني
عامل ميوت للكلام
ولو مصباحي طلعله جني
هتمني اقفل الاستاد
والاقي ناس كتير سامعني
و اللي رفضني يبقا فان
تمام
بسأل عليك الليل
هو انت فين
غيبت ليه!؟
بسأل عليك الليل
ده دمع العين
ضاع عليك
وانا بدعي انك توصل والدنيا معانداك
و سنين تمر و بتكبر مكسور الطفل الي جواك
و مهما الضلمة تكتر فانا جمبك و معاك
و صدقت الاحلام
ومصدقاك
عارف انه ماراثون فنصه نسيت اسأل ده كام كيلو
بقيت بكره كريمي و بقي يوحشني جداً كيمو
عندي تعدد شخصيات اكني فمارڤل earth 0
و مش بنافس الرابرز انا بنافس تارانتينو
القصة ولا المزيكا
انهي فيهم اكتر قيمة
افلامه ولا ايامي الحزينة
Pulp fiction ولا كاريرك
بدمع فالسيرة
ياما نفسك تعيد سنينك
ايام ما كنت بحب السيما و الاسود كان في تيشيرت milan
بس
و الدنيا كانت الوان
والضحكة كانت بتبان
وكان اقصي خوف بواجهه عيادة دكتور سنان
واول مرة اشوف ستان ماعرفش بيقول ايه
بس اتشديت جدا ليه حتي قمت قفلت الجيم
و قولت ازاي بيعمل كدا ده بيغني لشخصيتين
و شغلت كل الباقي و فضل يوسع نني العين
و انقل للحاضر و اتقهر هو الشغف مات من ايه
دماغي كانت فوق فالسما فانزل للارض بالرجلين
و ركز فدراستك عشان تبقي شخص عادي
و تشتغل فمكان كويس بيوفر مرتب عالي
عشان تتقدم لبنت و تعيش حياة ١٠٠ واحد تاني
و البنت اصلاً مش موجودة و الحياة دي مش حياتي
بس هقول ايه بس
مفيش حاجة ماشية صح
بعزف كمنجة و انا سايق تايتانيك و بغرق فبحر
و هفضل سايق انا دماغي مهما اتقال و اتنصحت
مبقاش ملياردير كئيب ابقي مبسوط عايش فكحت
عادي بالنسبالي
مانا حاولت و التمن غالي
سهرت الليالي ومنمتش غير والتليفون علي وداني
و اتبدلت وضحكة هبلة لما شوفت اللي جيه مكاني
و ناس تسيبني و تبعد بحجة اني شخص تاني
ف مقدرتش اشرح
لفيت و حطيت الكاب
ما الباك ستاب كانت قوية بس خلاص اتعودنا
ارجع للضلمة من تاني وافضل عيط فكتابتك
و اكسر ١٠٠ قلم ١٠٠ حتة لحد متطلع اللي جواك
بسأل عليك الليل
هو انت فين
غيبت ليه!؟
بسأل عليك الليل
ده دمع العين
ضاع عليك
وانا بدعي انك توصل والدنيا معانداك
و سنين تمر و بتكبر مكسور الطفل الي جواك
و مهما الضلمة تكتر فانا جمبك و معاك
و صدقت الاحلام
ومصدقاك
بسأل عليك الليل
هو انت بخير!؟
وصلت لايه!؟
التعليقات