الغل
بقى على شكل صحاب بتقل
من اللي بشوفه والله بمل
عمال أبلبع في أبتريل
بسفه يوماتي
صدقني عمرك ما هتتخان
غير من اللي يوم إديتله أمان
لو مرة شافك في الضيقة
أول واحد بيكون شمتان
الضهر والسند إتحبسوا
إخواتي في الكام سنة لبسوا
من الصدمة ما بقتش مجمع
أنا حد مش داري بنفسه
راحو اللي كنت جبل بيهم
إتهد حيلي من بعديهم
ده العين لوحدها بتدمع
لو حد يذكر أساميهم
يا حديد
إنت ليه بس معايا عنيد
خدت إخواتي خليتني وحيد
يا رب بقى قرب البعيد
وإفرجها عليهم
تعبان
عوكل أبو زين على أخوه زعلان
أصله في ضيقة حبسه السجان
فتحي الأبيض من الجدعان
والله واحشني
أقرب ما ليك بقى بيسلم
فوق للي منك يا معلم
هو الغريب إيه مصلحته
علشان في حقك يتكلم
صدقني عمرك ما هتتخان
غير من اللي يوم إديتله أمان
لو مرة شافك في الضيقة
أول واحد بيكون شمتان
الغل
بقى على شكل صحاب بتقل
من اللي بشوفه والله بمل
عمال أبلبع في أبتريل
بسفه يوماتي
الكاس
بشربه لأجل أنساكوا يا ناس
ده إنتوا مافيش دم وإحساس
كل ما بخلصلكوا بنداس
دمرتوا حياتي
المرشدين تمضي إستبعاد
ما بنعاشرش بتوع إرشاد
مين اللي على السليم فيكم
ده كلكوا رفعتوا العداد
الراجل اللي لسانه يسيب
لا مؤاخذة ده بيكبر ويخيب
صدق اللي قال يا إبن الناقصة
إنك مالكش عزيز وحبيب
إتفو
ع الخاين اللي يغفل أخوه
ألف نصيبة تاخد اللي جابوه
ما خبطش في طبلية أبوه
ولا يسمع عنها
المال
خلى الناس تحسبها شمال
لأجل القرش يبيعوا في الحال
دي الشغلانة لمت في عيال
فاكرة مافيش منها
الله يسامحكوا يا مدمنين
بسببكوا كترو الكدابين
إنتوا اللي خليتوا العوله
بالكام جرام بقم معوجين
إسمع يا شبشب منك ليه
أنا أي جربوع عندي ماضيه
لو حد فيكم ناسي أصله
العبد لله يفكره بيه
على مين
جايين تترسموا يا كارفين
فاكرين لما جيتولي حافيين
يرحم أبوكو كنتم جعانين
بتلموا بلاستيك
قراميط
روحتوا وجيتوا حبة هلافيت
حلمكوا تتشعبطوا في الصيت
إوعوا تعيشوا دور المظابيط
مش بالكام أستيك
اغاني مشابهة
- هو هو اخويا ( قنبلة رجولة )
- حياتي مرار وخدت قرار(حبيب القلب روح القلب)
- قراميط قراميط و الهلافيت عاملين مظابيط (صحبي اللي اداك يدينا)
- اصفالكو تاني لالا ( فل ع الشلة اللي لماها الكيوف)
- صاحبى توب صاحبى توب
- يا سجن يالي واخد سندي
- هاتولي كونتر زخيرة
- مش ناسي اصحابي اللي في الشده قالولي وداع
- نص صحابنا بقت خواجات
- الضيقة واخدة اخواتنا (مع حلقولو)
التعليقات