لأول مره اشوف الضلمة
مهما اصرخ مش سامعيني الناس دي صامه
لاقادره انعم بالحياة ولا قادرة ادوق طعم الفناء
تموت نفسي .. في ساعه رمله
ساعة رملة , ساعة رملة ..
بيتجاهله وهو ماشي ليه
شاغل عقلة لكن ناسيه
عمل ايه فيه يخليه يأذيه بأديه
عماه خلاه كارهه وجاي عليه
وقت النهاية حان
قول كلام كئيب كمان
يبتدي نزول الرمال
تختفي كل امال المدان
بيحاول يشغل نفسه فابيمشي عكسه
لقى قلبه نضيف فا ب بطينه كنسه
احساسه طمسه وحبايبه فالصو
فايعيش في حوسه مش لاقي نفسه
كل خطوتين تمشييي وترجع.
يموت ويحيى ينطفى ويلمع
قالو عنك فاشل ومش هتنفع
لو الصحبة حية حيتي بتلدع
لأول مره اشوف الضلمة
مهما اصرخ مش سامعيني الناس دي صامه
لاقادره انعم بالحياة ولا قادرة ادوق طعم الفناء
تموت نفسي .. في ساعه رمله
كل الدموع من ماس .. غالي الطلب و العرض
الا دموعي ازاز .. حبه نقط عالارض
فبقيت صنايعي عياط .. في دماغي في وسواس
مدمن على الاحزان بتعاطي قرب الناس
عارف .. إن الناس دي مش دايمه
مع ذلك بتعلق .. قشايه في بحر عايمه
سيبوني .. لا خليكم جنبي
الحالتين نفس المعني في الاخر لوحدي
قلمي بيكتب ويمسح من تاني
قلبي دايماً عايز ناس مش عايزاني
علي العموم متقلقش في يوم اكيد هيفوقوا
كما تدين تدان طباخ السم بيدوقوا
باقي مني اخر نفس .. جوه ساعة محبوس
مليت من كوني طالب الدنيا بتدي في دروس
لأول مره اشوف الضلمة
مهما اصرخ مش سامعيني الناس دي صامه
لاقادره انعم بالحياة ولا قادرة ادوق طعم الفناء
تموت نفسي .. في ساعه رمله, في ساعه رمله, في ساعه رمله
التعليقات