كلمات اغنية لبلبه – واحد إثنين

واحد اتنين قطه وبطه قاعدين يلعبوا النطه

بينطوا عالى عالى والشموسه بتلالى

والسما زرق زرقه بحر بعيد ميته رايقه

بحر السما صافى صافى رمش عيونى مجدافى

وانا فى الهوى قلبى صافى والنسمه شايله وحطه

واحد اتنين قطه وبطه قاعدين يلعبوا القطه

ايه بتنطى ياقطقوطه ياام الشفه المقطوطه

قالتلى متهيألى اطلع بحر العلالى

بحر السما فيه بلطيه تحت الموج متغطيه

واحد اتنين قطه وبطه قاعدين يلعبوا النطه

ليه بتنطى يا بطبوطه ياام المناقير مبطوطه

قالتلى سيبينى فى حالى اطلع اجيب رزق عيالى

بحر السما فيه بوريه ماخفيه متداريه

انا طالعه وحالا جايه بعد ما صيد واملا الشنطه

ياقطه وانت يا بطه ياللى بتلعبوا النطه

بحر السما خالى خالى واسألوا بابا وماما

واسألوا عمى وخالى والعصفوره واليامامه

بحر السما فاضى فاضى ومافيش ولا سمكه قصادى

وانا بالهوى قلبى راضى والنسمه شايله وحطه