بدّي قلّك يلّي بقلبي
بدّي إحكي وبدّي خبّي
قدّامك عم فوت ببعضي
بتلبّك ما بعرف قول
شو صاير فيي عم بشتقلك
ستحيوا عينيّي أنا عم قلّك
بتطّلع فيي وبحنّلك
حالي مش مقبول
يلّي جمالك شاغل بالي
بعيونك عم ضيّع حالي
عا بالي تبقى عا بالي
تا تبقالي الروح
حقيقة إنت أو فكرة
كرمالك عم أنطر بكرا
وعم تحلالي هيدي النطرة
تا ترجعلي الروح
عادي شوفك بي إيامي
عادي تطلعلي بأحلامي
لكن مش عادي إنّك غرامي
هيدا يلّي عم بيصير
حكياتي كلّا فيها إنت
ضحكاتي كلّا منّك إنت
أسراري كلّا عنّك إنت
يا قلبي بكّير
التعليقات