كلمات اغنية ماجدة الرومي – نجمة السلام

بليله بردانه ما فيا نواطير

فيه نجمه سهرانه وسربت بكير

لقيت على بابا عجقة صمت جديد

والدني عمتوعى والتلج مواعيد

ابيض متل الامل واسع للمحبه

كان العتم عابس صار العتم حلو

وع بيتا الكواكب صارو ينزلو

وبالزوايا صارت الاجراس قناديل

قربت لحدا سمعت تراتيل

يا يسوع يا يسوع

ومن يوما السلام توزع بالدني

وكبرت السعاده فرحه ملونه

كرمال البراءه تعا كرمال الطفوله تعا

للي مشردين لا رفيق ولا بيت وناطرين العيد

تعا على بيوتنا بتتبارك البيوت يا فرح البعيد

يا يسوع

يا طفل المغاره وسع المغاره وطني بردان

رجعلو الطهاره ت يرجع مناره بعتم الزمان

من دفا عينيك امسحو بالايمان

وبشر اهالينا بميلاد الامان

يا يسوع