من هالسَّاحه عم ناديكن ويغمر صوتي سهول جبال
دقّ بواب السَّما حيِّيكن ننساكن نحنا؟ مين قال؟
حتَّى الوفا ما بيكافيكن ما بتتكافو يا أبطال
الليله كلمه رح إِهديكن رحتو بسّ تركتو رْجال
أنا بعرف إنُّو الحرِّيِّه انكتبت ع جبين الأحرار
يا الْما قبلتو بالعبوديّه ما رح ننساكن يا كبار
لطلِّتكن هالبهيِّه لعينيكن أكاليل الغار
ومن هالأرض وشعبا تحيِّه يا شهدا بلادي الأبطال
يا هالنَّاس بيكفي حروب تاخد أغلى رجالنا
بيكفي الحقد يهدّ قلوب وتتكسَّر آمالنا
تعو نفتح للسِّلم دروب بيكفي نقاتل حالنا
ما ضلّ بهالأرض شعوب ما توَّجها إستقلال
التعليقات