مساحة إعلانية
أقبل علي يا الغالي
معك العمر يهنى لي
يا بعد راسي وحالي
تفداك باقي سنيني
حطيت قلبي بقلبك
ومليت عيني بحبك
دخيل ربي وربك
يحفظك من شر العين
راية هواك
رفت غلاك
بعالي سماك
رفت بعالي سماك
ميل على مياسك
وانثر علي احساسك
الكون فدوة راسك
يا حور عين الدنيا
سهوم عينه ذباحه
والزين كله مجتاحه
لباس تاجه ووشاحه
لله يا عالم دره
غرون فتون
أدعج عيون
وقلب حنون
أدعج وقلب حنون
ما بين شله حطه
الوجه ولا غلطه
مياس خصره جلطه
مرسوم بريشة فنان
يعزف برموش عيونه
وتر الهوا والحونه
هيض قلبي بشجونه
ملهم بعيونن نجلا
ويحي ويحاه
ويلي ويلاه
وبري برياه
ويلي وبري برياه
صاب الصبايا لوعه
يا فاخرٍ من نوعه
زاهي وكلك روعه
متفردٍ بخصالك
ظروف وقتك ضدي
ارفق علي وهدي
الشوق بيح سدي
لا يطول عني غيابك
جرح الهوا
لو انكوى
ما له دوا
تكفى، ما له دوا
العين تجرف ماها
يا مهجتي وامناها
صدتك، جاب اقصاها
يا بو عيونن خضرانه
الحرب كره وفره
والحب حره وعبره
والوقت يكفي شره
لو كان ما جاب اقصاي
الله عليم
والله كريم
والله رحيم
الله، الله رحيم
يا بدر نصف الشهر
فرقاك موتن حمر
تعال، يكفي هجر
ما عاد صبري يقواه
طير الوله لك يخفق
ليتك تحن وترفق
باللي لشوفك يشفق
يا الفارق المتفرد
والله حرام
تنسى الغرام
فيك الهيام
تنسى، تنسى الغرام
التعليقات