تسابقت للفوز
تسابقت للفوز حسكات الأوبار
فج العضود مبعدات المساري
أصايلٍ مثل الظباء صخف وأحرار
ما كن لماطاها على الرمل أثاري
وإلا الهبوب اللي تحمل الذواري
اللي عليها وحّد معزي الدار
يوم العمر ما بين بايع وشاري
يردون فوق أكوارها نار الأخطار
وهي تبوج بهم فجوج الصحاري
تراثنا وأمجادنا ورث الأخيار
نفخر بها وبفعل أهلها نماري
وف لها سيف الوطن وإبنه البار
عز البلاد اللي عليها يداري
اللي خذاها بيدها بين الأقطار
يرقى بها للنور عبر الغداري
تركي معه الأجرب، ومعروف وش صار
أودع مناعير النشامى حباري
وسلمان معه محمد الحزم بتار
شمّر ايدينه وأخلدن الضواري
هذا ولد سلمان حرٍ من أحرار
النادر اللي عن بلاده يثاري
حرٍ مطاليعه بعيدات وكبار
طلعة ثبات وللصعيبات ضاري
التعليقات