يارب مش انت قولت ان انا ابوكوا وعارف طلبتكم من قبل ما تقولوها
واديني يارب انا لا عارف اتكلم ولا عارف حتي اقوم واجيلك
مش انت يارب قولت لو مش قادر اجيلك هتشيلني
مش انت يارب قولت انك بتدور علي الخروف الضال
مش انت جيت وشفيت الكل
مش انت حتي الاوجاع بتشيلها
مش انت قولت يارب ان انا ابنك
يبقي من حقي اسألك
اسألك لحد امتى
لحد امتي هفضل اعاني
لحد امتي هفضل مش قادر ابطل الغلط
عارف يارب
كل اللي مطمني انك قولت انك في ضيقتهم بتضايق
وانا مصدق انك مضايق علشاني
بس لو مش هخف من وجعي اديني الصبر
ولو مش هتشيل عني ضعفي قويني بنعمتك
اديني الصبر اللي فيه رجاء وتعزية
انت قولت الذي يصبر للمنتهي فهذا يخلص
الذي يصبر للمنتهي فهذا يخلص لكن ماليش غيرك أناديه
التعليقات