الف بل مليون تحية لي مناضل وجندي مجهول
قلبو جمرة ثورة حية وجعتو الما قالا لي زول
كانوا درقة وطوق نجاتنا سوّوا اجسادهم متاريس
قدموا الروح شان حياتنا ماتوا من خلف الكواليس
حييوا جيل اسمر مشاغب الشعارهم لا مساومة
ديل صناع المواكب لجنة الحي والمقاومة
شعب واعي وجيل معلم امة صاحية وفاهمة دورا
اي دعوة ام مواكب اي حس زغرودة ثورة
اي فيديو حبل مشانق اي غنية واي صورة
واي طفلة جميلة تهتف جوا مدرسة خلف سورا
من زوايا الثورة زاوية في الشدايد عالي صوتا
ديل اخوان عم معاوية فاتحة ارواحا وبيوتها
تاجر آمن بالقيادة قال في سرو بلادي اولى
اسرة شايلة فطور ولادها جاعوا شان ما يبنو دولة
وكل زول في دربو هايم شايلو همنا صاحي نايم
جوة في حر السمايم وبرة في قلب العواصم كان
بقول ليك
ياما شايلك فيني حايم لا الليالي المخملية
لا العمارات السوامق لا الاسامي الاجنبية
تمحى من عيني ملامحك
التعليقات