كلمات اغنية متعب بن دخنه – ذعذاع الهوى

هب ذعذاع الهوى الغربي على راسي وهدا

واستهاض القلب والغربة على مثلي عزاري

طبت من جـو الخليج وساحله يا الربع جدا

وطبت من بعض الهروج ومن قصيرات المساري

ما يعالج علة المشتاق لا هوجس وعدى

في حكى راس الطويل قراية مطوع وقاري

غاسل كفي من القاري لما نفّث وشدا

وغاسل كفي من الوقفة على باب الطواري

وأدري إن علاج روحي يا ابن عم ما تردى

سجة الخاطر وشـوف الدار وأصوات القماري

وشوفة اللي شوفته فيها الدواء والضيم والدا

يوم أجي له وأعرف إني لو يطول الوقت ساري

ليت لي الساعة وقوف وليت للمشتاق حدا

كان أوقـفـهـا على لحظة لـقـانا في الغداري

يا وجود اللي سـواتي بين بعد وبين صـدا

ما دلى باله ولا يمـكن تفـارقه الـعباري

مونس في الصدر جرحه لا يـخـاط ولا يـسـدا

لين ضاق الثوب من صدري ومن قفلة زراري

فاقد لي خشف ريم ما حد قبله مبدا

لو يعاذلني عذولي قلت له ما إنت بداري

المحبة فطرة قلوب على الـفطرة تقدى

حسب ما يرويه إبن طلحة وأبو ذر الغفاري