مفيش صحاب .. زمايل وبس
مين اللي حس بجرح مين
الكل خاب .. في الشدة غاب
عشم كداب في البني آدمين
يا مزوقين سم الكلام
الغل عام ع الوش فاح
يا مفضوحين ليه مرتاحين بالمجروحين شغل وكفاح
شياطين دا مين دا انتوا الكمين
مش سلكانين غير في الجراح
يا مكشوفين مش مكسوفين وضميركوا فين بقى غير متاح
اللي قالك قال عليك
واللي غلطان جابها فيك
واللي نفسه يبقي زيك لما معرفشي يعاديك
اللي كان فى الوش يضحك
من وراك واكلك وفاضحك
صاحبك ايه دا عليك بيضحك يا ابني فوق فتح عينيك
كلام كبار الحظ عز
اضحك يا حظ ولو يومين
شطبنا صبر وشبعنا نبر وكلونا هبر الطماعين
يا محروقين عينكم رصاص
كيد الرخاص ما يهزناش
ربك معين على كل عين صاحب لعين ما يحبناش
مفيش حنين للخوانين
يا ليل حزين قمرك مجاش
عضوا الايدين الممدودين بالخير سنين ولا قالوا عاش
اللي قالك قال عليك
واللي غلطان جابها فيك
واللي نفسه يبقي زيك لما معرفشي يعاديك
اللي كان فى الوش يضحك
من وراك واكلك وفاضحك
صاحبك ايه دا عليك بيضحك يا ابني فوق فتح عينيك
التعليقات