اسف لكل اهه تتكتم ما بين ضلوعك
اسف لكل صرخة كل دمعة من دموعك
اسف لكل كلمة طفّت شمعة من شموعك
اسف لاني ساكت مش بغير من خضوعك
مضطرة تبقى نكرة تبقى اسم في البطاقة
تبقى تابع .. مافيش أمل تتملكي السواقة
آسف لكل شيء بيأذي نفسك البريئة
من معاكسة أو تحرش أو بشاعة الحقيقة
مضطرة تبقي بدون وجود بدون وجهة نظر
أي رفض أو أراء يكون عقابك مُنتظر
اسف لإن صمتي يبقى جزء من شروري
آسف لانك اتولدتي في مجتمع ذكوري
ناسف .. لكل حلم ليكي بين ايديكي مات
اسف على الاهانة لما رديتي بسكات
و انكتب عليكي تتفهم حريتك طمع
ما بين قيود و بين جمود و بين ثقافة مجتمع
اسف لكل اهه تتكتم ما بين ضلوعك
اسف لكل صرخة كل دمعة من دموعك
اسف لكل كلمة طفّت شمعة من شموعك
اسف لاني ساكت مش بغير من خضوعك
انت نظرة ايجابية وسط وش مبتسم
انت طير بدون جناح مستني أمره يتحسم
اتمنعتي من كونك كائن له حق في التغيير
و من خروجة حلوة مبهجة على ضفاف النيل
اتمنعتي من الغنا اتمنعتي من الخروج
اتمنعتي من كونك تحسي لحظة بالنضوج
كل حلم ليكي اتقتل من قبل ما اتولد
كل ذنبك انك انت بنت لكن ده ولد
اعتذار للأسف ما بمتلك غير اعتذار
اعتذار عن قيودك اللي من غير اختيار
اعتذار يمكن السنين تبيّن الحقيقة
اعتذار للعقول اللي في طريق الانحدار
انت قلب ملتهب انت دمع مكتئب
انت روح حنون باحس منها أمني مستتب
انت تاج من الدهب و فوق دماغي مستقر
انت سر رغبتي اني في حياتي أستمر
التعليقات