مصدع حبتين بس لسه مركز
مش هعجز . بالكلام بعزز
بالنسبة لي شرشر بدلعك يا عرعر
ناولني اوكورديوني و اعزف لك سيدي ور ور
بضهر ايدي بضرب سوء حظي
حاضر ميتم سعادتي عشان من واجبي اعزي
ترابيزتي مستطيلة
فيها بواقي كيف
ايدي ساقعة متلجة
بتمشى في كييف
السكات مات ، مفتقد شاتات
الزيبق هو السائل الوحيد في الفلزات
عندي اقلام رصاص
زاويا للتناول
عارف اني بكلم قاع العالم بحاول
عندي بلكونات كتير ممكن استخدمها
عندي ناس كتير بدون مقابل بخدمها
قاعد بقالي سنين
الخطر اني اتخن
النظام علمني مركبهاش إلا أما تسخن
الجو برد في فبراير
و المود مغاير
بعرف دماغها رايحة فين
من نوع السجاير
في نهاية الدردشة
في رقبتي خربشة
وجهات نظرها تتقدم
بين عنف و وشوشة
سارح في لاشي
فلاد الوالاشي
مصيري النهائي
معدوم التحاشي
لازم اشحن ، عشان تنفسي السليم
العوم في الكحول محتاج عويم
و لو غرقت و أنا بعوم سيبوني تحت
او خلدوني بتمثال شمع ، بحب النحت
الجو برد في فبراير
و المود مغاير
بعرف دماغها رايحة فين
من نوع السجاير
في نهاية الدردشة
في رقبتي خربشة
وجهات نظرها تتقدم
بين عنف و وشوشة
سارح في لاشي
فلاد الوالاشي
مصيري النهائي
معدوم التحاشي
التعليقات