كم بعلم ليت تتعلم
ياحبيب القلب وهيامه
شوفني قدامك أتألم
خايفٍ عالحب وأيامه
من سمعت الناس تتكلم
والحسود ايشيد خيامه
قمت ألوم الوقت واتبسم
المكان فـ غيبتك اظلم
والشقى فـ صدري خيامه
ضم مفتاح الهوى تسلم
لايطيح بـ يد نمامه
لي سعى بفراقنا يحلم
ينجرف في وسط دوامه
يا الغلا يا الشوق يا البلسم
انته قلبي مصدر إلهامه
لجل عينك ابني واهدم
عن هجير الوقت و اوهامه
في سباق الحب متجدم
شوقي وحطم لك ارقامه
لاتحاتي لك انا محزم
لو يمر العمر بـ أعوامه
ايه احبك فوق ماتحلم
والغلا لك تكتب اقلامه
التعليقات