أنا أناني
ولاّ الحياه وخداني
ومخلياني بعيش
لنفسي بس
أناني
باخد وما
بديش
أنا لازم اتغيّر
ما بقتش انا صغير
علشان أحس بنفسي بس
الحب مش احساس وبس
الحب عطاء
بصفاء
ونقاء
وبإيدي ح اصححلي الأخطاء
مع ان انا واللهى ما كدا
على أبسط شئ
وبقول
رضا
وببوس إيدي انا وش وضهر على الغِنا
عندي استعداد أسجد شهر
لربنا
برضه أناني
مش جايز بديله السجدة
علشان يرزقنى ويدينى
لأ كدا ح تزيد عندى العُقدة
ودموعى ح تبدأ تعميني
منا ياما اديت
واديت ياما
وأخدت كتير
وكتير ياما
لازم أعرف إن الدنيا
فانية و ح تقوم ليها قيامة
أنا حاسس بكلامى انى ارتحت
لو حتى فـ نفسي كتير جرّحت
كفاية انى بدأت اتغيّر
التعليقات