رضاكي في الحياة سُنه
و حق عليا أءديها
و تحت أقدامك الجنه
اللي بتمنى أكون فيها
يطيب القلب من همه
يا أمي بدعوه تدعيها
تِلين الدنيا لو قاسيه
و تاخدي بإيدي أعديها
أنا فاكرلك كل حضن و كل حزن جوه مني تحسي بيه
أنا فاكرلك كل ضحكه كان وراها فيه 100 وجع عني تداريه
عمرك حبيبتي ما اشتكيتي ولا في مره يوم بكيتي
و لو بكيتي .. بُكاكي مني بتخبيه
عيونك عني ما بتِغفَل
و لا بيهدى لروحك بال
مادام شايفاني متخبط
ب تدعيلي بصلاح الحال
تشيلي ده مهما بتشيلي
و مابتشكيش من المتشال
في عز الضيقه بتجيلي
و تتمنيلي رزق حلال
التعليقات