على فين .. ما تقوللي يا قطر رايح على فين
هترجعلي شبابي .. ولا هتزيد عذابي
قوللي أعمل حسابي .. نفسي أفرحلي يومين
على فين .. ما تقوللي يا قطر رايح على فين
..
قلبي .. شال الجراح شيلة
قلبي .. متربي ع الويلة
والجاي مش أكتر من اللي رايح .. والسكة مابقتش طويلة
خايف .. لا والله مانا خايف
شايف .. مانا من زمان شايف
يا ترى اللي جاي أمل زايف
ولا اللي جاي دنيا جميلة
على فين .. ما تقوللي يا قطر رايح على فين
..
دنيا .. والله ولا الساقية
دنيا .. مين اللي قال باقية
الحمد لله يا ليالي .. غاليين ومارخصناش ليلة
على فين
..
قدي .. مين شاف عذاب قدي
بدي .. على قد ما بيدي
جرح السنين جاي ورايح .. والفرح جاياته قليلة
على فين .. ما تقوللي يا قطر رايح على فين
هترجعلي شبابي .. ولا هتزيد عذابي
قوللي أعمل حسابي .. نفسي أفرحلي يومين
..
التعليقات