اللي امه زى امى
عمره يوم ما يشلش هم
بعد ابويا كانت امى
اب لينا وخال وعم
امى غيرها دى ماليش
غيرها دحنا ما نسويش
جوا قلبي في تعيش
عندى هى احلي ام
امي ديا سند العيلة
اللي بجد دى شايلة الشيلة
تعبت ياما سنين علشانا
امى بجد دى ست جميلة
.............
اختى ديا امى التانية
ما استغناش عنها ولا ثانية
ساكنة ف قلبي ونن عنيا
اختى عندى انا بالدنيا
..........
ربنا ما بيحوجنا لحد
طول ما اخواتى ف ضهرى بجد
قلبي بيقوى تملي انا بيهم.
ويا الدنيا بحالها بسد
.........
محمود اخويا ده رافع راسي
هو ده سندى انا وعحازى
وعلى اديه ياما اتعلمت
محمود اخويا دهو استاذى
................
اجمل ليلة واحلي عروسة
حتة قشطة علي بسبوسة
رشوا الملح وسموا وصلوا
ومن العين ديا محروسة
...........
ربنا مايحوجنا لحد
طول ما اخواتى في ضهرى بجد
قلبي بيقوى تملي انا بيهم
ويا الدنيا بحالها بسد
...........
ربنا يا اختى يبارك فيكى
ومن الفرح كتير يديكى
اصلك يا ختى بنت حلال
واللي في ايدك ده مش ليكى
............
يابنات علوا قوى الزعاريط
خلينا نفرح قوى ونظيط
الليلة ديا اجمل ليلة
هديها رقص انا وطنطيت
..............
اختى الطيبة ومنى قريبة
اختى. دى عندى اغلي حبيبة
واخدة الجدعنة ديا من امى
قلب حنين مليان طيبة
............
ربنا يا بيحوجنا لحد
طول ما اخواتى في ضهرى بجد.
قلبي بيقوى تملي انا بيهم
ويا الدنيا بحالها بسد
التعليقات