أنا ما أقول بسنينك تِهنَّـى
أنا أقول السَّنين إنتَ هَناهـا
تِباشر بَك لياليهـا وتسعـد
تحمد الله على خيرٍ عَطاهـا
أهنَّي بَك حياتـي ياقمرهـا
وأهنَّي بَك عُيوني ياضِياهـا
وأهنَّي بَك غرامٍ لَك تِجـدَّد
على كِلِّ المُحبيـن يتِباهـى
ونسمات الصَباح تحب قُربك
تقول أنفاسك تعطِّر هواهـا
وفرحة عاشِقك يانور عينـي
أبد ماتِنتِـوازن فـي مِداهـا
تِجدَّد مِثلِ غيثٍ مِن سَحابه
على قفرً تِشكَّى مِن ضُماها
رُواها وإنتعش فيها زهرهـا
ألا يالله لاتِقطـع رِجـاهـا
التعليقات