حفظْك الله ياابوخالد .. شبيه العَود وظلاله
وعز الله بك بلادك.. وحقق بك أمانيها
عوضنا فيك عن زايد.. وزايد حيّ ف عياله
أمان الله على داره واهل داره ومن فيها
شبيه النادر اللي ما خِلِق غيره على مْثاله
وهو ماله شبيه الاّ السحايب في معاليها
فؤادوبوخالد مثِل زايد.. على نهجه ومنواله
سلالة طيب مفنوده من اولها لتاليها
حفَظك الله ياابو خالد
رئيس الدوله القايد
عوضها عن خليفتها
وراعيها عقُب زايد
يمينه تسبق لسانه وفعله يثبت أقواله
عظيم وكلمته موقف.. يثمّنها ويعنيها
كأنّ افعاله أقواله.. وكن اقواله افعاله
وهو هذي يوفيها وهو هذي يوفيها
طويل الشبر .. نظراته تجاوز فَي عذاله
بعيد الفكر.. هقواته بعيداتٍ مراميها
وهو رمز البلاد وشيخها اللي فالها فاله
معززها ومكرمها وعاشقها وحاميها
حفَظك الله ياابو خالد
رئيس الدوله القايد
عوضها عن خليفتها
وراعيها عقُب زايد
ياْكم من همٍ لشعبه .. بسَط له كتفه وشاله
وكم من دمعةٍ طاحت وابوخالد يواسيها
وكم من أزمةٍ مرّت وشفت العالَم بحاله..
يداريها.. وابوخالد يسميها باساميها
رعى الله سيدي صاحب سمو المجد وعقاله
يلبّي لا دعت والدار لبّت يوم يدعيها
بشوت الفخْر لاقت له وحلو الشعر يهدى له
من بلادٍ تهنّت به.. وغنّت به أغانيها
..
حفَظك الله ياابو خالد
رئيس الدوله القايد
عوضها عن خليفتها
وراعيها عقُب زايد
..
التعليقات