سلام يا سيدي سلمان من يوم جيت
لبستنا للفخر تاج يعادل غلاك
الأرض أرضك وراسك بالسما لا سميت
يا ذو الجدود العوالي كل فخر زهاك
في خطوتك استجرى الأمر لا من مشيت
ارسي بكفك رواسيها وربك معاك
الراي والحكمه وسيف عليه احتميت
اليا نهضته معه تنهض حرار بذراك
وجت لك طوابيرها تقول لك وش بغيت
هذي قلوب الرجال اطوع معك من عصاك
ملكتها بالوفا لانك وعدت ووفيت
دون العرب انت سور اليعربي لا نخاك
ضربت روس الظلام وطلت يوم انتخيت
بنوره نورة هل العوجا وعود غداك
رميت والله رمى عدوانك اللي رميت
كف يعز الرفيق وكف يومي العداك
التعليقات