مساحة إعلانية
لله ربــي جـزيـل الحـمـد والمـنّـه
العـادل الـقـادر المتكـبّـر الرحـمـن
اللي عطـى فـي كتابـه رزقـه وأمنـه
لبـلاد مكّـه وطيبـه أطهـر الأوطــان
سبحانه أرسـل رسـول لإنسـه وجنّـه
باليسـر والمغفـره والرفـق والإحسـان
ماكـان فـظٍ غليـظ القلـب لـو إنــه
من حوله انفض جَمْع و زُعْزِع الإيمـان
يالله صلّي على احمد مـا هَمَـت مِزْنـه
وما هَلّت دموع طفل ومـا تُلـي قـرآن
خُلقـه عظيـم فـكتابـك قلـت ذا عنّـه
رحيم فينا رؤوف اكـرَم بَشَـر قـد كـان
ياحافـظ كتـاب ربّــك دارس السـنّـه
البِر واضـح وضـوح الإثـم والعـدوان
عَلِّـم كثيـر المـجـادَل تـابـعٍ ظـنّـه
لا روس حنّـا غدينـا وْلا هـم الأفغـان
لبـلادك المسلميـن نـفـوس ممتـنّـه
لبـلادك الكافريـن اتمـنّـوا الـخـذلان
للإسئلـه فـي الشـوارع شَنّـه ورَنّـه
وش وصّل النـاس ذولا فوهـة البركـان
وشلون ينهي حياته فـي صُغُـر سِنّـه؟
وشلون هذي المراحل توصَـل الإنسـان؟
إن كـان ماهـو فـراغٍ.. يـأس يمكنّـه
ماهي حكايـة تديّـن.. مـا لهـذا شـان
أو هـي حكايـة فـوارق دنيـا منجَنّـه
دكتور عاطل.. و يُثـرى لاعـب وفنـان
أو هـي حكايـة عـدوٍّ زاد فـي زَنّــه
لين المسامع تعبّت كـره .. واستهجـان
أو هي حكاية شفايف فـي الخفـا دَرْنَـه
تلْعن صنيع الأيادي.. تبوس في الكتمـان
هذا الوطن يامـا رمينـا همّنـا بحضنـه
يستاهل أنـه يفتـدى بالـروح والأبـدان
هذا الوطن هو روح فهد وماحوى جفنـه
هوقلب عبدالله ونبضه هو ولـه سلطـان
عيال أخو نـورة ذراه ودرعـه وحصنـه
هم سدرة المُلك وأهل المملكـة أغصـان
هذا الوطن شعبه من ملوكه وهـم منّـه
متماسكين بصف واحـد مثلمـا البنيـان
هذا الوطـن أكـرم بـلاد الأرض لكنـه
يبقى هلاك للمعتـدى والباغـي الخـوان
لا مايهـزّه حقـد حاقـد زاد فـي زنّـه
حافظه رب المشرقيـن الواحـد المنـان
هنّ الوطن برجال أمّنـه يـا فهـد هنّـه
يستاهلون المجد كلـه صفـوة الشجعـان
المؤمنيـن الذايديـن بروحـهـم عـنّـه
أفعالهـم مايحتويهـا نـوط أو نيـشـان
ياللي تكفّـر كثيـر الخلـق.. بـك جِنّـه
كل هالخلايق مضلّه؟.. وش معك برهان؟!
كل هالأمـم فـي جهنّم..كافـره عَفْنَـه؟
وانت الذي مسك دمّك ضامن الرضوان..؟!
جنّه بعـرض السمـا والأرض مِنْضَمْنَـه
هي حِكر لك مع رِفاقك زمرة الأعـوان ؟!
يالله إقطـع ذيــول الـشـر والفتـنـه
و رُدّ كيـد الأعـادي فْنَحْرهـم خسـران
واكفِ البـلاد التقيّـه شرذمَـه.. حِفنـه
ساروا بدرب الضَـلال ولبّـوا الشيطـان
فجِّـر ودمِّـر بـلادك .. تدخـل الجنّـه
أفتى بهـذا مشايـخ آخـر الأزمـان !!!!
التعليقات