فن الراب فيك تمشيه متل ما انت بتحب
متله متل أي فن بيطلع من جوات القلب
كيف القلب بتمنى ليش امتى ولماذا
والابداع ما بيطلع غير لما الحالة بكون عاشا
التقليد مو مفيد ابداً بهيدا الفن
اختراع كل شي جديد لازم يكون عندك متقن
لحتى جمهور هاد الفن يتعلق فيه اكتر
وباقي الشعب بغير فنون يفكروا فيه اكتر
فيك تعبر عن امل و فيك تعبر عن حزن
عن فرح عن حب عن حالة غنى او فقر
فيك تطالع كل شي فيك من قوة بتخليك
تحرق مايك تستهزئ باللي عم يستهون فيك
فيك تبعت فيه رسالة لأي شخص بأي لون
هو الشعر هو الفكر هو اللي بخليك الدون
طنش تعش تنتعش خود كل شي ببساطة
لا في صعب ولا في مستحيل الدنيا حط حطاطا
خلال سنة انعزال دورت على المجال
المجال يلي بخليني اعرف شو هو السبب
من جيتنا عالحياة و انتظارنا للممات
اللي حيرني جنني بس لأعرف شو هو الهدف
عم نجي و عم نروح بهالدنيا عم نسوح
عم نعمل كل شي كان بأدب والا بدون ادب
ما عم نسأل على شي غير اللي بعقلنا نسويه
ما فكرنا بيوم نقول عملنا علينا انحسب
غنيت فيه عن مدح , عن حب و عن يأس
فشيت قهري فيه من حياتي و حظي النحس
حكيت فيه عن أمل تأملته و حزن تألمته
وطعن و غدر و موت من القهر بكل طاقتي تحملته
عن مشاعر فيا شاعر اني كون شوي متفائل
بالحياة اللي علمتني من برج روما المائل
بلحظة فيني موت من القهر بنفس اللحظة فيني كون
اقوى من هتلر جبروتي اكبر من فرعون
باختصار يا انسان فيك تتحكم بالمشاعر
بأي لحظة شو ماكان أي ظرف معك صاير
فيك تقول عم موت عم اتعب عم اتعذب
بتهم حالك بالمصايب بتحصر حالك ما بتتهرب
بتجلط حالك و بتيأس بتكتئب بتنتحس
الهموم عكتافك بتخليك تحت الارض تنغمس
نفس الوقت فيك تاخد كل الأمور بسهولة
الهموم و المصايب من نفسك بتخليها مهموله
خلال سنة انعزال دورت على المجال
المجال يلي بخليني اعرف شو هو السبب
من جيتنا عالحياة و انتظارنا للممات
اللي حيرني جنني بس لأعرف شو هو الهدف
عم نجي و عم نروح بهالدنيا عم نسوح
عم نعمل كل شي كان بأدب والا بدون ادب
ما عم نسأل على شي غير اللي بعقلنا نسويه
ما فكرنا بيوم نقول عملنا علينا انحسب
اكبر هم واصعب ظرف واتعس حاله مروا علي
عشرين سنة دقت كل شي و هي لساتني عايش حي
لما يمر علي شي اعطيه اكبر من حجمه
اتعذب اتمرمر انسم اتدهور ضيع بسببه
نفس الشي مر علي عطيته حقه على قده
ما تعذبت كتير بس تحملت حالي من رده
اخر شي مر علي ما حركته من ارضه
ارتحت كتير من التعتير قدرت اني صده
3 مرات شفت الموت شوف عيوني ومن الصبر
تأكدت ان الدنيا اصغر من رمله بالبحر
الدنيا صارت بعيوني تافهة صغيرة بس السبب
اللي خلاني اتمسك فيها بس اعرف شو هو الهدف
من حياتنا ليش الله خلقنا عوجه الارض
لما بحثت على الجواب تعذبت لحتى عرفت
خلقنا لنعبده نحمده نشكره ندعي اله
ونخلف ذرية صالحة هدفا تدعي اله
خلال سنة انعزال دورت على المجال
المجال يلي بخليني اعرف شو هو السبب
من جيتنا عالحياة و انتظارنا للممات
اللي حيرني جنني بس لأعرف شو هو الهدف
عم نجي و عم نروح بهالدنيا عم نسوح
عم نعمل كل شي كان بأدب والا بدون ادب
ما عم نسأل على شي غير اللي بعقلنا نسويه
ما فكرنا بيوم نقول عملنا علينا انحسب
التعليقات