صاحبي يا فاهمن قصدي ترا ماكل ديره
آتمشى في حدايقها وينعشني هواها
اتأسر قلبي لو إن نفسي في راحتها أسيره
كم بلاد يمرها قلبي وإذا سافر نساها
خذ مثل هواء لندن لا خلط مسكه عبيره
لو هواء بلاد زايد ما هو يشابه هواها
والله انها أول أحباب المشاعر والأخيره
ياعساني فدوة أولها وفدوة منتهاها
الله أكبر ياسنين العوج والشرهه كبيره
شرهة العاقل على عوج السنين الي مداها
كل ما طالت منام من شرها وطول خيره
إنما للخالدين الي مخلدها نضاها
والقلوب الي مشاعرها مع العالم ظفيره
الظروف الكايده تردها عن مشتهاها
مشتهاها تجعل الدنيا مثل وصف البحيره
لذة الي شاربين ومتعة الي من رآها
هكذا الانسان عمره يوم حس ويوم غيره
لو تحاول تجمع أيامه وتبحث وش وراها
ماوراها غير باقي ذكرياته في مصيره
يوم شاف أمجاد غيره قال يا ليته خذاها
يحسب إنه المجد فجأة مادرى إن المجد سيره
سيرة(ن) ماتنتهي دام الكواكب في سماها
والقدر على وتيره والعمر على وتيره
والسنين الي بعضهم يمشون والدنيا عطاها
ماهو بورث تحكم فيه عميان المصيره
كان مامديتها بالجهد مانالت راضاها
السعادة لو تباعد سوق الأحزان الكثيره
كل واحد يعتريه الحزن تلقاه اشتراها
السعاده مااشترتها روس الأموال الوفيره
شوف كم تاجر يدورها ولكن ما لقاها
بس أنا ما أحتاج مال أحتاج فعلا شي غيره
شي يسمو بالنفوس وسنين يظهر محتواها
هي قصيدة شاعر(ن) وضح لك الي في ضميره
يعرف وش علته لكن مايجهل وش دواها
غاص بالهوجاس بأعماق المحيطات الغزيره
لين جاب الي يليق بمستواه ومستواها
مو مهم تكون نشرت في مجلات مثيره
المهم تقوللي كم شخص مثقف قراها
المهم ال لندن الي مسكه يخالط عبيره
آغلى منها هوا أرض الامارات وثراها
صاحبي يا فاهمن قصدي ترا ماكل ديره
آتمشى في حدايقها وينعشني هواها
اتأسر قلبي لو إن نفسي في راحتها أسيره
كم بلاد يمرها قلبي وإذا سافر نساها
خذ مثل هواء لندن لا خلط مسكه عبيره
لو هواء بلاد زايد ما هو يشابه هواها
والله انها أول أحباب المشاعر والأخيره
ياعساني فدوة أولها وفدوة منتهاها
والسمووحة
التعليقات