يالخفوق اللي احبه حيل وأطمع في رضاته
رغم كــل اللي حصل مــا قلت يغرينـي بديلـك
ان رسمتك عين قال الحــــب الله يا حلاتـــه
وان كتبتك شوق كل حرف من أعماقي يشيلك
قلت بنسى وعلميني بس ليلي كيف اباتـــه
وقلتي أسلا وقلت مقدر اه يا صبـــرك وحيلـــك
وابتدا ليل الفراق اللي خذا منـــك وصاتــه
وأنجبر قلبي قبــــل لا اقول أرجــــاك ودخيلـــك
انتهينا وكـل واحد له طريـــق في حياتـــه
انطوت صفحة غرامي لـك وبادرت برحيلـــــك
خذ معك ابسط تفاصيلك وكل ما جاك هاته
جب مكاتيبي وانت اغلى مكاتيبــــك تجي لــــك
ما بقى باقي بقصة عشق أعلنــا وفاتــــه
مــن صباح الأمنيات أيليـــن زلاتـــك وليلــــــك
ابتديت الشوق بعيونك ورمشك وإلتفاتــه
غلطة الشاطر بألف وغلطتي ضعت بسبيلـــــك
ما حفظت أيام عشرتنا عن لسان الشماته
والا أنا حافظك حفظ دموع عينــي لا تسيلــــك
وش تبي أكثر من ان العمـر في وده وهاته
سقت لك عمرٍ قلوب الغيـــر تحسدك بحصيلــك
غير قلبك ما تجرأ قلب سوا بـــي سواتـــــه
يا اول طعون الغرام أموت ما أجي لك دخيلك
حدني يمك غلا مدري ولــه مدري شراتـــه
خافقٍ طامـــــع بكسبك لين مــــا عوّد قتيـــلك
اتركي باقي جروحٍ هزها الوقــت بجراتـــه
ما عرف هالحب قدري يوم قرر ينتحي لــــك
قلبي اللي حبك وصانـــك الى حد إستماتــه
يرتوي طعم الهمــــاج ولا يقــــرب سلسبيلك
هذا هو شعري زكاةٍ لك وافكــاري بناتـــه
من كتبتــــه فيك صـــارت اجمل ابياته تشيلك
باقي لك وسط خافق كان حبك به حياتـــه
السلام وحشمة العشـــره وشعرٍ ينتمــــي لك
حسين الجسمي: وإلا انا مقفي وعيبٍ ع الذي يقفي إلتفاته
لو تصوت ما سمعت ولو سمعتك ما اجي لك
التعليقات