ياللي مافكرت في روحي
يا اللي ما فكرت في روحي
يا اللي ما تعطف لنوحي
إنتَ يحلالك عذابي
في الهوى ضعفي و جنوحي
فين عهودك .. فين وعودك
فين يا قاسي
يمدحك غيري و تضحك
و انا من قلبي باناصحك
إنتَ في قلبي لوحدك
بس مش قادر أصارحك
شوف دموعي
شوف ضلوعي
إنتَ قاسي
يا اللي ما فكرت في روحي
إنتَ في حلمي الحقيقيه
صوره في فكري دقيقه
لو تغيب عني دقيقه
ينشغل عقلي و روحي
ليه أبقى هايم
فيك آه يا ظالم
و انتَ قاسي
يا اللي ما فكرت في روحي
لو هوى روحي بخاطري
كانت الشكوى في صدري
لو أعيش في الحب عمري
ما أحد يعرف جروحي
ليه بس عيوني
ليه يفضحوني
و انتَ قاسي
يا اللي ما فكرت في روحي
التعليقات